स्वपाककाले भृगुनन्दनोऽपि हेमाम्बरं सौख्यं ददाति नित्यम् । वस्त्रादिप्राप्तिं च सुखागमं च धनं लभेत्पुत्रसमन्वितं च ॥१॥
राज्याभिमानं सुखसम्पदं च परोपकारी व्ययमाप्नुवन्ति । मित्रादितो व्यय व्यसनैः समेतं माङ्गल्यकार्य च सुखावहं च ॥२॥
कार्यनाशं गृहे सौख्यं भुञ्जन्ति प्रभवः सदा । विपाके सूर्यशुक्रे च मानवो लभते फलम् ॥३॥
ददाति वित्तं बहुसौख्ययुक्तं वस्त्राम्बरं रत्नसमुच्चयं च । सौख्यार्थलाभं स्वगृहे च सौख्यं यदा भवेच्छत्रुगतो हिमांशुः ॥४॥
भृगोर्विपाके धरणीसुतोऽपि कार्यार्थलाभं बह्नर्थयुक्तम् । महत्प्रतापं सुखसङ्गमं च ददाति प्राप्नोति भयं कुतश्च ॥५॥
ददाति मौक्तिकं चैव सुखसौभाग्यपुत्रदम् । कन्याजन्म गृहे सौख्यं भृगुमध्ये गते बुधे ॥६॥
सुखं करोति सौभाग्यं व्यवहारे महत्सुखम् । लाभं कार्यस्य सिद्धिः स्याच्छुक्रमध्ये गते गुरौ ॥७॥