प्राप्नोति सौम्यस्य दशाविपाके शुभे शुभानि प्रियमित्रसङ्गम ।
सुवर्णहेमाम्बरपूर्णलाभं विद्यार्थलाभं मनसः प्रमोदम ॥१॥
बुधमध्ये बुधफलम् ।
स्वदशान्तर्गते सौम्ये बुद्धिवृद्धिः समागमः ।
शरीरे युवतेः सौख्यं नानावित्तं सुखं यशः ॥२॥
बुधमध्ये शनिफलम् ।
मित्रार्कसाधकः सिद्धो गुणधर्मार्थसाधकः ।
सर्वकार्योद्यमी भास्वान् बुधस्यान्तर्गते शनौ ॥३॥
बुधमध्ये गुरुफलम् ।
रिपुरोगभयैस्त्यक्तो धर्मज्ञो नृपवल्लभः ।
हेमादिजनशोभाढ्यो बुधस्यान्तर्गते गुरौ ॥४॥
बुधमध्ये राहुफलम् ।
अकस्माद्वन्धुभेदो वाप्यकस्माद्वजतो नृपात् ।
भयं वा ह्यर्थनाशो वा राहौ सौम्यान्तरे सति ॥५॥
बुधमध्ये शुक्रफलम् ।
गुरुदेवद्विजार्चासु दानधर्मपरो भवेत् ।
वस्त्रालङ्कारत्नस्य लाभो ज्ञस्यान्तरे सित ॥६॥
बुधमध्ये रविफलम् ।
सुवर्णहयमाणिक्यं विजयं लभते सुखम् ।
राज्यं श्रियं बलं तेजो बुधस्यान्तर्गते रवौ ॥७॥
बुधमध्ये चन्द्रफलम् ।
आचारवान् बहुधनो गजाश्वादिसुखाप्तयः ।
बुधस्यान्तर्गते चन्द्रे पर्यङ्कच्छत्रसंपदः ॥८॥
बुधमध्ये भौमफलम् ।
शिरोगुदरुजापीडा वह्निचौरनृपाद्भयम् ।
बुधस्यान्तर्गते भौमे बन्धुपुत्रादिपीडनम् ॥९॥