गुरोर्दशायां लभतेऽतिसौख्यं गुणोदयं बुद्धयवबोधनाग्रम् ।
स्त्रीवित्तलाभं गतिकान्तिभोगान्महात्मचेष्टाफलमुत्तमायाम् ॥१॥
गुरुमध्ये गुरुफलम् ।
स्वदशान्तर्गते जीवे धर्मार्थ हयलब्धयः ।
लाभो हेमस्थावराणां राजपूजा गुणोदयम् ॥२॥
गुरुमध्ये राहुफलम् ।
अन्त्यजैः सह संप्रीतिर्वातपित्तभयावहम् ।
गुरोरन्तर्गते राहौ सर्वकार्यविनाशनम् ॥३॥
गुरुमध्ये शुक्रफलम् ।
रिपुभीतिर्वित्तनाशो बन्धनं कलहो गदः ।
स्त्रीवियोगमवाप्नोति जीवस्यान्तर्गते सिते ॥४॥
गुरुमध्ये रविफलम् ।
नृपतुल्यक्रियायुक्तो व्याधिरोगविवर्जितः ।
बहुस्त्रीसुखसन्तोषो गुरोरन्तर्गते रवौ ॥५॥
गुरुमध्ये चन्द्रफलम् ।
शत्रुहानिः सुखं पुण्यं शरीरे पुष्टिरुत्तमा ।
स्वजनैः स संवासो गुरोरन्तर्गते विधौ ॥६॥
गुरुमध्ये भौमफलम् ।
धनं कीर्तिः शत्रुहानिर्बन्धुकीर्तिः सुखान्वितः ।
नीरोगी सुभगः श्रीमान् गुरोरन्तर्गते कुजे ॥७॥
गुरुमध्ये बुधफलम् ।
सुखदुः खसमः श्रीमान् गुरुदेवाग्निपूजकः ।
गुरोरन्तर्गते सौम्ये शत्रुर्मित्रसमो भवेत् ॥८॥
गुरुमध्ये शनिफलम् ।
वारस्त्रीसङ्गमं दुःखं कुवृत्तिर्धर्मनाशनम् ।
कामलोबौ नीचसख्यं गुरोरन्तर्गते शनौ ॥९॥