बुद्धया विहीनमतिविभ्रमसर्वशून्यं
विश्वं भयातिविषमापदमृत्युतुल्यम् ।
व्याधिर्वियोगधनहानिविषानिवारं
राहोर्दशा भवति जीवितसंशयं च ॥१॥
राहुमध्ये राहुफलम् ।
स्वभ्रातृतातमरणं बन्धुनाशात्मकं रुजा ।
अर्थनाशो विदेशश्च गमनं गौरवाल्पता ॥२॥
राहुमध्ये गुरुफलम् ।
व्याधिदुःखपरित्यक्तो देवब्राह्मणपूजनम् ।
भवत्यर्थयुतश्चात्र राहोरन्तर्गते गुरौ ॥३॥
राहुमध्ये शनिफलम् ।
रक्तपित्तकृता पीडा कलहः स्वजनैः सह ।
देहभङ्गं कृतत्यागं राहोरन्तर्गते शनौ ॥४॥
राहुमध्ये बुधफलम् ।
सुत्दृद्वन्धुधनायोगं बुद्धिबोधधनागमः ।
किंचित्क्लेशमवप्नोति स्वर्भान्वन्तर्गते बुधे ॥५॥
राहुमध्ये केतुफलम् ।
ज्वराग्निरिपुशस्त्रं वा मृत्युः प्राप्नोति सर्वदा ।
राहोरन्तर्गते केतौ नास्त्यत्र संशयः क्वचित् ॥६॥
राहुमध्ये शुक्रफलम् ।
सुत्दृत्तापोऽजितेन्द्रियः स्त्रीलाभो वित्तसंशयः ।
कलहो बान्धवैः सार्द्ध राहोरन्तर्गते सिते ॥७॥
राहुमध्ये रविफलम् ।
शस्त्ररोगभयं घोरमर्थनाशं नृपाद्भयम् ।
अग्निचोरभयं चात्र दैत्यस्यान्तर्गते रवौ ॥८॥
राहुमध्ये चन्द्रफलम् ।
स्त्रीलाभं कलहं चैव वित्तनाशमनिर्वृतिः ।
बान्धवैः सह संक्लेशो राहोरन्तर्गतः शशी ॥९॥
राहुमध्ये भौमफलम् ।
रिपुशस्त्राग्निचोराणां भयमाप्नोति सर्वदा ।
स्वर्भान्वन्तर्गते भौमे निश्चितं नात्र संशयः ॥१०॥