विषादकर्त्री धनधान्यहर्त्री सर्वापदामूलमनर्थदात्री ।
भयङ्करी रोगविपद्विधात्री केतोर्दशा स्यात्किल जीवहंत्री ॥१॥
केतुमध्ये केतुफलम् ।
केतौ कन्यापुत्रनाशधनरोगाग्निविग्रहाः ।
भयं राज्यकुलाहुष्टस्त्रीभिः सह कलिर्भवेत् ॥२॥
केतुमध्ये शुक्रफलम् ।
केतोरन्तर्गते शुक्रे प्रियया च कलिर्भवेत् ।
अग्निदाहं ज्वरं तीव्रं स्त्रीत्यागं कन्यकाजनिः ॥३॥
केतुमध्ये रविफलम् ।
केतोरन्तर्गते सूर्ये राजभङ्गोऽरिविग्रहः ।
अग्निदाहो ज्वरस्तीव्रो विदेशगमनं भवेत् ॥४॥
केतुमध्ये चन्द्रफलम् ।
अर्थलाभोऽर्थहानिश्च सुखं दुःखं तथैव च ।
स्त्रीलाभो धनहानिश्च केतोरन्तर्गतः शशी ॥५॥
केतुमध्ये भौमफलम् ।
गोत्रजैः सह संवादश्चोराणां च भयं तथा ।
शरीरपीडां प्राप्नोति केतोरन्तर्गते कुजे ॥६॥
केतुमध्ये राहुफलम् ।
चोरैश्च शत्रुभिर्वापि देहभङ्ग प्रजायते ।
दुर्जनैः सह संवादो राहुः केतोर्यदानुगः ॥७॥
केतुमध्ये गुरुफलम् ।
दुर्जनैः सह संयोगो राजमान्यः सहाथवा ।
भूलाभो जन्म पुत्रस्य केतोरन्तर्गते गुरौ ॥८॥
केतुमध्ये शनिफलम् ।
वातपित्तभवा पीडा स्वजनैः सह विग्रहः ।
विदेशगमनं चापि केतोरन्तर्गते शनौ ॥९॥
केतुमध्ये बुधफलम् ।
सुत्दृद्वन्धुसमायोगो बुद्धिबोधं धनागमम् ।
न किंचित्क्लेशमाप्नोति केतोरन्तर्गते बुधे ॥१०॥