नित्यं विभूषामणिवस्त्रलाभं मिष्टान्नपानं प्रमदानुरागम् ।
चान्द्री दशा साधु फलं नराणां लभेत पूजां नृपतैः सदैव ॥१॥
चन्द्रमध्ये चन्द्रफलम् ।
चन्द्रे स्वान्तर्गतें सौख्यं सर्वत्र विजयो भवेत् ।
स्वपक्षवैरं कन्यानां जन्म निद्रारतिर्भवेत् ॥२॥
चन्द्रमध्ये भौमफलम् ।
शस्त्ररोगभयैर्युक्तो वह्निचोरधनक्षयः ।
विधोरन्तर्गते भौमे मनोदुःखं भवेन्नृणाम् ॥३॥
चन्द्रमध्ये बुधफलम् ।
सर्वत्र लभते लाभं गजाश्वैर्गोधनादिकम् ।
जायते कन्यकालाभश्चन्द्रस्यान्तर्गते बुधे ॥४॥
चन्द्रमध्ये शनिफलम् ।
बन्धुवैरं स्थानहानिः शोको वा कलहो विपत् ।
विधोरन्तर्गते मन्दे संदिग्धो भवति ध्रुवम् ॥५॥
चन्द्रमध्ये गुरुफलम् ।
धर्मवित्तसुखानि स्युर्वसनाभरणादिकम् ।
विजयो राजसम्मानो विधोरन्तर्गते गुरौ ॥६॥
चन्द्रमध्ये राहुफलम् ।
बन्धुनाशः स्थानभ्रंशः शत्रोर्बहुभयं तथा ।
न कुत्रापि सुखं राहौ विधोरन्तर्गते सति ॥७॥
चन्द्रमधे शुक्रफलम् ।
कन्याजन्मसुखप्राप्तिः स्त्रीसङ्गो विजयः सुखम् ।
मुक्ताहेममणिप्राप्तिश्चन्द्रस्यान्तर्गते सिते ॥८॥
चन्द्रमध्ये रविफलम् ।
भूपाश्रयसुखं राज्यं रिपुरोगक्षयो भवेत् ।
ऐश्वर्यसौख्यमतुलं चन्द्रस्यान्तर्गते रवौ ॥९॥