तृतीयस्थानम् - द्विचत्वारिंशोऽध्यायः

आत्रेय उवाच नासारोगो भवेद्धीमन् क्रिमिजो दोषजः पुनः रक्तजश्च भिषक्छ्रेष्ठ लक्षणञ्च शृणुष्व मे ॥१॥
वाताच्छिरोऽर्त्तिः शोफश्च सदोषे वातपैत्तिकम् कफजे सघनं शीतं क्रिमिजेऽसृगुपवाहनम् ॥२॥
नासापाके गुडशुण्ठ्या वातिके नस्यमेव च शर्कराघृतयष्ट्या च पैत्तिके नस्यमेव च ॥३॥
श्लैष्मिके सुरसावासारसेन विहितञ्च तत् विडङ्गहिंगुमगधाः क्रिमिदोषे हिता मताः ॥४॥
रक्तजेऽसृग्विरेकश्च शिरोरोगस्योपक्रमे ॥५॥

इत्यात्रेयभाषिते हारीतोत्तरे तृतीयस्थाने नासारोगचिकित्सा नाम द्विचत्वारिंशोऽध्यायः ॥४२॥