हरिपाठ: - २८

भवन्ति हरिपाठेऽस्मिन् पद्यानामेकविंशति: । विश्वस्य नामसामर्थ्ये ज्ञानेशरचितानि च ॥१॥
इन्द्रायणीनदीतीरे नित्यं पठति यो नर: । ततस्तस्याधिकारश्च सर्वथा जायते ध्रुवम् ॥२॥
चैव स्वस्थचित्तेन साधक: । सोल्लासं च तथा कुर्यान्नामस्मरणमन्तरे ॥३॥
जीवनस्यान्तिमे काले सङ्कटेषु तथैव च । बहिश्चैवान्तरे चैव निभालयति तान्हरि: ॥४॥
अनुभूतमिदं नैकै: साधुभि: सज्जनैस्तथा । यश्चालसो मन्दबुद्धि: स कथं नु तरेन्नर: ॥५॥
निवृत्तिसद्गुरोरेतत् श्रुत्वा प्रेमयुतं वच:  । अनुक्षणं ज्ञानदेव: सन्तोषं परमाप्तवान्  ॥६॥