मराठी मुख्य सूची|मराठी साहित्य|पोथी आणि पुराण|सर्वमतखंडन आणि ब्रह्मविद्यारहस्य|स्कंध ४ था| अध्याय १८ वा स्कंध ४ था चतुर्थ स्कंधाचा सारांश अध्याय १ ला अध्याय २ रा अध्याय ३ रा अध्याय ४ था अध्याय ५ वा अध्याय ६ वा अध्याय ७ वा अध्याय ८ वा अध्याय ९ वा अध्याय १० वा अध्याय ११ वा अध्याय १२ वा अध्याय १३ वा अध्याय १४ वा अध्याय १५ वा अध्याय १६ वा अध्याय १७ वा अध्याय १८ वा अध्याय १९ वा अध्याय २० वा अध्याय २१ वा अध्याय २२ वा अध्याय २३ वा अध्याय २४ वा अध्याय २५ वा अध्याय २६ वा अध्याय २७ वा अध्याय २८ वा अध्याय २९ वा अध्याय ३० वा अध्याय ३१ वा स्कंध ४ था - अध्याय १८ वा सर्वमतखंडन आणि ब्रह्मविद्यारहस्य Tags : bhagavatpothiपोथीभागवत स्कंध ४ था - अध्याय १८ वा Translation - भाषांतर १२६क्रुद्ध नृपाळासी पाहूनियां पृथ्वी । धरुनि अंतरीं धैर्य म्हणे ॥१॥आंवरुनि क्रोध शांतपणें राया । वचन या ठाया परिसें माझें ॥२॥भ्रमर पुष्पींचा सेवी मकरंद । तैसा घेईं बोध साररुप ॥३॥आजवरी इहपर कल्याणार्थ । उपाय बहुत तत्त्वज्ञांनीं - ॥४॥योजिले, त्यापरी प्रयोगही केले । निर्णय पाहिले सुनिश्चित ॥५॥योग्य ते उपाय आचरी जो नित्य । तयासी निश्चित फलप्राप्ति ॥६॥अव्हेरुनि तयां स्वेच्छेनें जो जाई । सिद्धी तया नाहीं श्रमतां बहु ॥७॥वासुदेव म्हणे ऐसे पूर्वाचार्य । गेले थोर थोर करुनि यत्न ॥८॥१२७आजवरी राया, यज्ञविध्वंसक । जाहले बहुत जनांमाजी ॥१॥ऐशा निंद्य जनीं सेविल्या औषधि । वेनासम जगीं राजे झाले ॥२॥तदा म्यां ग्रासिल्या औषधि यज्ञार्थ । पावल्या क्षीणत्व बहुत काळें ॥३॥योजूनि उपाय काढीं त्या बाहेरी । उपाय सत्वरी कथितें एक ॥४॥पान्हा फुटे ऐसा वत्स करीं सिद्ध । तेंवी पात्र योग्य दुग्धास्तव ॥५॥सर्व इच्छा मग पुरवीन तव । दोग्धाही अपूर्व आवश्यक ॥६॥बलप्रद अन्न लाभेल या मार्गे । समान तूं मातें करीं राया ॥७॥तेणें वर्षाकाल लोटतांही जल । राहील सकल पृष्ठीं माझ्या ॥८॥वासुदेव म्हणे ऐकूनि तें पृथु । साधी निज हेतु कौशल्यानें ॥९॥१२८स्वायंभुव मनु योजुनियां वत्स । दुग्ध धान्यरुप करीं घेई ॥१॥बृहस्पति वत्सें, कर्णी तैं वदनीं । दुग्ध वेदवाणी संपादिलें ॥२॥वीर्य, ओज, बलदायक अमृत । कनकपात्रीं इंद्र वत्स घेई ॥३॥दैत्य-दानवही सुरासव घेती । प्रल्हाद वत्सेंसी लोहपात्रीं ॥४॥विश्वावसु वत्स, मुख त्याचें पात्र । गायन सुस्वर गंधर्वांतें ॥५॥मृत्पात्रीं अर्यमा घेई कव्यदुग्ध । सर्वसिद्धि दुग्ध कपिला नभीं ॥६॥आसुरमाया ते मयासुर नभीं । रुधिर नरकपात्रीं राक्षसांसी ॥७॥बिलपात्रीं विंचू - सर्पादिकां विष । वत्स त्यां तक्षक होत असे ॥८॥वासुदेव म्हणे पशूंस्तव नंदी । तृण दुग्ध योजी अरण्यांत ॥९॥१२९हिंस्त्र पशु निजदेहीं घेती मांस । योजूनियां वत्स सिंहाप्रति ॥१॥तैसेंचि गरुडा योजूनियां पक्षी । फळें कृमि कीटीं रमले बहु ॥२॥वटवृक्षरुपें सर्व वनस्पति । सर्व रस घेती दोहूनियां ॥३॥हिमालयद्वारा सर्व धातुदुग्ध । दोहिती पर्वत अत्यानंदें ॥४॥विदुरा, यापरी सकलांच्या इच्छा । पूर्ण होतां राजा संतोषला ॥५॥पुढती पर्वत भेदूनि समान । पृथ्वीतें करुन पृथुराजा ॥६॥नगरें, ग्रामें, तट, दुर्ग, वाडया, व्रज । निर्मूनि जनांस सौख्य देई ॥७॥वासुदेव म्हणे पूर्वी यथासुख । व्यवस्थारहित वास होता ॥८॥ N/A References : N/A Last Updated : November 06, 2019 Comments | अभिप्राय Comments written here will be public after appropriate moderation. Like us on Facebook to send us a private message. TOP