-
स्त्री. १ भिजलेली स्थिति ; ओलावा ; दलदल ; आर्द्रता . ' दानव रुधिराचिया ओला .' - शिशु २ . २ ( ल .) साध्यता ; सुलभपणा ( काम करण्यास जागा . सवड ). उ० तेथें कांही ओल आहे = आशा करण्यास कांही जागा , अनुकूल स्थिति , साधन , सोयी आहेत . ( सं . आर्द्र ; प्रा . उल्ल - ओल्ल ) म्ह० १ ओल आहे कीं पो ( फो ) ल आहे , ओल ना पोल , ओल कीं पोल ( कांहीं ओलावा आहे ? कां सगळा भुसाच ), तेथें कांही लभ्यांश आहे किंवा नाही . २ मुलांचा एक खेळ , ( चार , पांच मुलें एकत्र बसून उभी पोकळ मूठ करितात , एक मुलगा आपल्या हातांतील खडा कोणतरी एकाच्या मुठींत टाकतो व मग ओल कीं पोल असें डाव आलेल्या मुलाला विचारतो व त्यानें ज्याच्या हातांत खडा असेल त्याचा तो हात धरल्यास त्याची हारजाऊन खडा धरण्यार्यावर येते .) ३ ( ल .) दयाळुपणा ; दयाद्रता . ' भीतरि नाहीं प्रेमाची ओ ( ल ) ळ । तया केवि बोलवती वियोगिचे बोल । ' - ऋ ९९ .
-
स्त्री. हमीदाखल ठेवलेली वस्तु ( गुरें , माणसें इ० ); तारण ; शत्रूनें तहाच्या अटी पाळाव्या म्हणुन त्याजकडुन खातरजमेसाठीं मनुष्य , गुरें द्रव्य इ० मागून घेऊन त्यांस अटी पूर्न होईपर्यंत अडकवून ठेवणें . ' कोट किल्ले दिले ओलिला त्रिभकजीसाठीं । ' - ऐपो ३८३ . ( का . ओलु = हमी , तारण ; दे . उल्ल = कर्ज )
-
स्त्री. कापडाचा तुकडा ( एकेरी पन्ह्माचें ५ - ७ हात लांब उपरणें , पलंगपोस ), ( गो .) ख्रिश्चन बायांची ओढणी .
-
०धरणें जमिनींत पडलेल्या पावसाच्या पाण्याची वाफ होण्यापूर्वी जमीन नांगरणें . ओलीला ओल मिळणें - जमिनींत ओलावा वाळुन गेला नाहीं तों पुन्हां पाऊस पडणें .
Site Search
Input language: