TransLiteral Foundation
मराठी मुख्य सूची|मराठी पुस्तके|तुकाराम बाबा अभंग संग्रह|बोधपर अभंग|
४८२१ ते ४८३०

बोधपर अभंग - ४८२१ ते ४८३०

तुकारामबाबा आणि त्यांचे शिष्य यांच्या अभंगांची गाथा.


बोधपर अभंग - ४८२१ ते ४८३०
॥४८२१॥
संदेह बाधक आपआपणांतें । रज्जुसर्पवत भासतसे॥
भेऊनिया काय देखिलें येणें । मारें घायेविण लोळतसे ॥१॥
आपण चि तारी आपण चि मारी । आपण उद्धरी आपणयां ॥
शकुनळिकेन्यायें गुंतलासी काय । विचारुनि पाहें मोकळिया ॥२॥
पापपुण्य कैसे भांजिले अंक । दशकाचा एक उरविला ॥
जाणोनियां काय होतोसी नेणता । शून्या ठाव रिता नाहीं नाहीं ॥३॥
दुरा दृष्टी पाहें न्याहाळूनि । मृगजला पाणी न ह्मणें चाडा ॥
धांवतां चि फुटे नव्हे समाधान । तुका ह्मणे जाण पावे पीडा ॥४॥

॥४८२२॥
ऐसें कां हो न करा कांहीं । पुढें नाहीं नास ज्या ॥१॥
विश्वंभरा शरणागत । भूतजात वंदूनि ॥२॥
श्रुतीचें कां नेघा फळ । सारमूळ जाणोनि ॥३॥
तुका म्हणे पुढें कांहीं । वाट नाहीं यावरी ॥४॥

॥४८२३॥
कथे उभा अंग राखेल जो कोणी । ऐसा कोण गणी तया पापा ॥१॥
येथें तो पातकी नयेता च भला । रणीं कुचरला काय चाले ॥२॥
कथे बैसोनी आणिक चर्चा । धिग त्याची वाचा कुंभपाक ॥३॥
तुका ह्मणे ऐल पैल ते थडिचे । बुडतील साच मध्यभागीं ॥४॥

॥४८२४॥
कल्पतरुखालीं । फळें येती मागीतलीं ॥१॥
तेथें बैसल्याचा भाव । विचारुनि बोलें ठाव ॥२॥
द्यावें तें उत्तर । येतों प्रतित्याचा फेर ॥३॥
तुका ह्मणे मनीं । आपुल्याचि लाभहानि ॥४॥

॥४८२५॥
पायरवे अन्न । मग करी क्षीदक्षीण ॥१॥
ऐसे होती घातपात । लाभे विण संगें थीत ॥२॥
जन्माची जोडी । वाताहात एके घडी ॥३॥
तुका ह्मणे शंका । हित आड या लौकिका ॥४॥

॥४८२६॥
बीज पेरे सेतीं । मग गाडेवरी वाहाती ॥१॥
वायां गेलें ऐसें दिसे । लाभ त्याचे अंगीं वसे ॥२॥
पाल्याची जतन । तरि प्रांतीं येती कण ॥३॥
तुका म्हणे आळा । उदक देतां लाभे फळा ॥४॥

॥४८२७॥
नाहीं पाइतन भूपतीशीं दावा । धिग त्या कर्तव्या आगी लागो ॥१॥
मुंगियाच्या मुखा गजाचा आहार । न साहावे भार जाय जीवें ॥२॥
तुका म्हणे आधीं करावा विचार । शूरपणें तीर मोकलावा ॥३॥

॥४८२८॥
नका धरूं कोणी । राग वचनाचा मनीं ॥१॥
येथें बहुतांचें हित । शुद्ध करोनि राखा चित्त ॥२॥
नाहीं केली निंदा । आह्मी दूषिलेंसे भेदा ॥३॥
तुका म्हणे मज । येणेंविण काय काज ॥४॥

॥४८२९॥
क्षुधेलिया अन्न । द्यावें पात्र न विचारुन ॥१॥
धर्म आहे वर्मा अंगीं । कळलें पाहिजे प्रसंगीं ॥२॥
द्रव्य आणि कन्या । येथें कुळ कर्म सोधण्या ॥३॥
तुका ह्मणे पुण्य गांठी । तरिच उचितासी भेटी ॥४॥

॥४८३०॥
कर्कशसंगती । दु:ख उदंड फजिती ॥१॥
नाहीं इह ना परलोक । मजुर दिसे जैसें रंक ॥२॥
वचन सेंटावरी । त्याचें ठेवूनि धिक्कारी ॥३॥
तुका ह्मणे पायीं बेडी । पहिली कपाळीं कुर्‍हाडी ॥४॥

Translation - भाषांतर
N/A

References : N/A
Last Updated : 2019-04-01T19:42:06.0930000

Comments | अभिप्राय

Comments written here will be public after appropriate moderation.
Like us on Facebook to send us a private message.

take action

  • कारवाई करणे 
  • कारवाई करणे (against a person) कार्यवाही करणे (on a file) 
  • कार्यवाही करणे 
  • Law (against a person) कारवाई करणे 
More meanings
RANDOM WORD

Did you know?

यज्ञक्रिया करणार्‍यांना काय म्हणतात?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.