श्रीपूजनादिशांति

यजमानानें आचमन करून हातांत पवित्र धारण करून प्राणायाम करावा. देशकालाचा उच्चार करून संकल्प करावा. तो असा :- या कुमाराच्या उपनयनामध्यें अथवा ( कन्येच्या विवाहामध्यें ) संस्कार करण्याचें वेळी मातेस रजोदोष प्राप्त झाल्यापासून उत्पन्न होणारें संपूर्ण अनिष्ट निवारण होऊन शुभफ़ल प्राप्ती व्हावी म्हणून श्रीपरमेश्वर संतुष्ट व्हावा याकरितां श्रीपूजनादि शांति करितो. प्रथम निर्विघ्न प्राप्त होण्याकरितां गणपतिपूजन व पुण्याहवाचन करितो. असा संकल्प करावा. त्याप्रमाणें ती करावीत. “ नंतर आचार्यवरण पंचगव्यविधि भूमीप्रोक्षण ” पृष्ठ ५७ ते ६० पर्यंतचे कर्म करावें. नंतर ईशान्य दिशेस रांगोळी वगैरेने अलंकृत केलेल्या जागेवर “ महीद्यौ० ” पृष्ठ ८ ओळ २० पासून पृष्ठ १० ओळ ८ पर्यंतचें कलशस्थापनेचे कर्म करावें. नंतर लक्ष्मीच्या सुवर्नप्रतिमेची प्राणप्रतिष्ठा पृष्ठ ६० ते ६२ पर्यंत अग्न्युत्तारणपूर्वक करावी. “ ॐ भूर्भुवस्व: श्रियैनम:श्रियं आवाहयामि ” या नाममंत्रांनीं व श्रीसूक्ताच्या १५ प्रत्येक मंत्रांनीं आवाहनादि षोडशोपचार पूजा करावी. नंतर स्थालीपाकतंत्र पृष्ठ ३३ प्यारा १ पासू पृष्ठ ४१ प्यारा १२ पर्यंत व पृष्ठ ४३ प्यारा १६ पासून पृष्ठ ४६ प्यारा २३ पर्यंत केल्यावर. हिरण्यवर्णा इत्यादि १५ मंत्रांनीं मंत्र व शेवटीं स्वाहा म्हणून १५ पायसांच्या आहुती द्याव्यांत. नंतर स्थालीपाकतंत्र पृष्ठ ४९ प्यारा ३२ पर्यंत करावा. नंतर स्थापन केलेल्या कलशांतील उदकानें श्रीसूक्त मंत्रांनीं यजमानावर अभिषेक करावा. आवाहित देवतांची ( लक्ष्मीची ) पंचोपचार पूजा करावी. आचार्याला गाय, दक्षणा, पीठदान द्यावें, विष्णुस्मरणपूर्वक केलेलें कर्म ईश्वरास अर्पण करून आचार्यास यथाशक्ति भूयास दक्षिणा देऊन त्यांचेकडून आशीर्वाद घ्यावेंत. या कर्मांच्या सांगतेकरिता १० किंवा ३ ब्राह्मण भोजन घालावें. अशा रितीनें श्रीपूजनाची शांति करावी.