पुंसवनादिचौलांत संस्काराचा लोप झाला असतां प्रायश्चित्त होम

आचमन करून पवित्रें धारण करून प्राणायाम करावा. “ ममास्य० आचरिष्ये ” असा संकल्प करून पाणी सोडावें. बालकाचें गर्भाधानापासून किंवा पुंसवनापासून चूडाकर्मापर्यंत जे संस्कार राहिले असतील, त्या प्रत्येकाबद्दल पाव कृच्छ्र आणि चूडाकर्म लोपाबद्दल अर्ध कृच्छ्र एकूण अडीच कृच्छ्रें, प्रायश्चित्ताबद्दलचें द्रव्य ( दर कृच्छ्रास गोनिष्क्रयादि जें शक्तिप्रमाणें ठरविलें असेल त्याप्रमाणें ) एकंदर ब्राह्मणांच्यापुढें ठेवून, प्रायश्चित्तद्रव्य घेणार्‍या ब्राह्मणांची गंधादि दक्षिणांतोपचारांनीं पूजा करून, पळींत पाणीं घेउन “ इदं० उत्सृजे ” असा प्रायश्चित्तद्रव्यदानाचा संकल्प करून, त्याचवेळेस तें सर्व द्रव्य सर्व ब्राह्मणांस समभाग वाटून द्यावें. नंतर “ तथाच० करिष्ये ” असा प्रायश्चित्तहोमाचा संकल्प करून, “ तत्रादौ० ” म्हणून गणपति पूजनाचा संकल्प करून गणपति पूजा करावी.
नंतर स्थालीपाक पृष्ठ ३३ पासून पृष्ठ३६ प्यारा ५ पर्यंत करून विटू नांवाच्या अग्नीची स्थापना करावी. “ अस्मिन्न० ” येथून “ यक्ष्ये ” येथपर्यंत म्हटल्यावर, स्थालीपाक पृष्ठ ३७ प्यारा ७ “ शेषेण० ” येथून पृष्ठ ४१ प्यारा १२ “ आच्छादयेत् ” येथपर्यंत करून, पृष्ठ ४६ प्यारा २२ “ समप्रदेशेहुत्वा ” येथपर्यंत स्थालीपाक कर्म करावें. नंतर “ ॐ भूर्भुव:स्व:स्वाहा ” या मंत्रानें तुपानें नऊ आहुति द्याव्यात. पुढें “ ॐ भूं:स्वाहा ” इत्यादि पंधरा आहुति तुपाने द्याव्यात. नंतर स्थालीपाक पृष्ठ४९ प्यारा २८ पासून पृष्ठ ५३ पर्यंत सर्व कर्म संपवावें. असा हा संस्कारलोप निमित्तक प्रयश्चित्त होम संपला.