संगीत ययाती देवयानी

(२०-८-१९६६). संगीत : जितेंद्र अभिषेकी

१
यतिमन मम मानित त्या
एकल्या नृपाला
आदि अंत ज्यास नसे त्या सनातनाला ॥
गगनधरा ज्या निवास
बंधनभय नाहिं त्यास
समिर करिल काय नमन सधन सागराला ॥

२
मी मानापमाना
नच मानतो
ना मना तो मोह आता
गौरव निंदा समान त्याला
ज्यास सदाशिव त्राता ॥

३
प्रेम वरदान
स्मर सदा
अरे भवा हाचि भगवान ॥
स्नेह सुगांधित करि संसारा
दाहि गरल वैर अभिमान

४
सर्वात्मका सर्वेश्वरा ।
गंगाधरा शिवसुंदरा
जे जे जगी जगते तया
माझे म्हणा करुणाकरा ॥
आदित्या या तिमिरात व्हा
ऋग्वेद या ह्रदयात व्हा
सुजनत्व द्या द्या आर्यता
अनुदारता दुरितां हरा ॥

५
तम निशेचा सरला सरला
अरुणकमल प्राचीवर फुलले
प्रकाश परिमल गगनी भरला
पावन मंगल जीवन झाले
शिवदयेचा दीप या भवि दिसला