संगीत महानंदा

१९५१

१
(राग : भैरवी, ताल : गर्भा, चाल : बारो पियाकांता बिन)
शिव शिव जन्मा आले का अशा ॥ वारांगनादेह दुष्कीर्तीचे गेहे ॥धृ०॥
लोकी पती एक नारी कुणी । येतो गृही तो होतो धनी ॥
चित्ती न सद्‌भाव चिंती दुजा भाव ॥१॥ न ये कळू ऐसें बोले हळू ।
द्रव्याविशी मात्र जैसी जळू ॥ चिंती ॥२॥
माया दया काहि नाही मना । कामांध लोका उसे सर्पिणी ।
निष्काम ना प्रेम करणे असा धर्म ॥३॥
माता पिता बंधु ऐशा रिती ॥ कानी कपाळी कां सांगती ॥
निष्काम न प्रेमा करणे असा धर्म ॥४॥

२
(राग : सारंग, ताल : केरवा, चाल : हमदम देखे)
नटजनवेष खचित गमतीचा ॥ बहुत हिमतीचा अमित किमतीचा ॥धृ०॥
आंतर्बाह्य विरोध कृतीचा । गुप्त शोक वरि हास्यरसाचा ॥१॥
बाह्यांगी नव सुंदर योषा ॥ अंतरि विश्व विमा पुरुषाचा ॥२॥

३
(चाल : दिलदारा दिलारा)
मी नारिनरांचे तनमनधन आणि वेधित या नयने ।
चलबिचल करिन तरुणि, तरुण मन सारिगम गाउन अमित दाउन ॥धृ०॥
नरेंद्र पार्थ जसा सोडि बाण उजव्याने ॥
प्रसंगी तोचि तोचि योजितसे डाव्याने ॥
परशुराम जसा मारि अरी शापाने ॥
कधिं कधिं छेदितसे शिर बाणचापाने ॥१॥

४
(चाल : नई जीवनवालिका)
जें जें मी मागूं ते मला वाढा । जयभुवनी यश जोडा
मातेच्या हातुनि तनया वधोनी । रांधा करोनी मला वाढा ॥१॥
साध्वीने सदनी पाक करोनी । वसना त्यजोनी मला वाढा ॥