TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|पुराणे|गणेश पुराण|क्रीडा खंड|पूर्वार्ध|
अध्याय ८

क्रीडा खंड - अध्याय ८

श्री गणेश पुराणाचे पारायण केल्याने समाधान मिळते आणि जीवनातील सर्व पापे नष्ट होतात.


घुंगुर-वध

(गीति)

विरजा मरुन गेली, गेली ही मात राक्षसां कानीं ।

उद्धत आणि घुंगुर, नटले मग ते क्षणींच शुक दोनी ॥१॥

ते शुक कश्यपसदनीं, आले पाहे महोत्कट प्रेमें ।

स्तनपान करित असतां, मागे अदितीस तो करी प्रेमें ॥२॥

(द्रुतविलंबित)

अदिति ती वदली लघु बालका ।

नमिंच ते उडती शुकबालका ।

मजसि ते धरितां नच लाभती ।

श्रवण हें करितो शिशु मात ती ॥३॥

झडपुनी धरि तें शुक वलिक ।

खग मुखीं व्रण ते करिती शुक ।

झडकरी शिशु ते शुक आपटी ।

असुर हो स्वरुपीं शुक शेवटीं ॥४॥

त्यजित जीव असे द्वय राक्षस ।

जननि तें अवलोकित पाडस ।

सु-भट देखुन तें कटिं घेतलें ।

कथन तें पतिसी करि देखिलें ॥५॥

(इंद्रवज्रा)

ऐकुन वार्ता सतिच्या मुखींची ।

साश्चर्ययुक्ता मति कश्यपाची ।

बोले तदा कश्यप कामिनीसी ।

इंद्रास सामर्थ्य नसे वधासी ॥६॥

दैत्यांस बाळें वधिलें सुलीलें ।

वर्षें चतुर्था परि काय झालें ।

जाई तडागीं जननी स-सूत ।

स्नानार्थ दोघे निघती त्वरीत ॥७॥

होता दिनीं तो व्यतिपात योग ।

तैसी तिथी सोमवती सुयोग ।

स्नानास गेली अदिती मुनी हो ।

तीरास ठेवी स्वसुता सती हो ॥८॥

(गीति)

अदिती जलांत उतरे, गेला मागून तो जलीं सूत ।

डुंबे जलांत तेव्हां, मगरी धरि पाय ओरडे सूत ॥९॥

माते धांव असें तो, ओरडला म्हणुन धांवली माता ।

तैसेच कश्यपाचे, धांवति शिष्यहि बघून त्या सूता ॥१०॥

त्यांचा उपाय न चले, लीलेनें मगर फेकि तो कांठीं ।

प्राण तयाचा गेला, निपजे गंधर्व त्या क्षणीं कांठीं ॥११॥

बोले गजाननाला, पूर्वी होतों नृपाळ गंधर्व ।

नामाभिमान होतें, पूर्वीचें चित्ररथचि गंधर्व ॥१२॥

माझे विवाहवेळीं, देवांचें नी समस्त त्या मुनिंचें ।

स्वागत केलें साचें, केलें नाहीं चुकून भृगु मुनिचें ॥१३॥

यास्तव भृगूस आला, माझा बहु कोप तेधवां देवा ।

होशी नक्र म्हणूनी, शाप मला दीधला असे देवा ॥१४॥

प्रार्थुन तयांस याची, द्यावा उश्शाप मागतों चरणीं ।

तेव्हां भृगू म्हणाले, कश्यपसुत स्पर्शतां तुला चरणीं ॥१५॥

मग शापमुक्त होशिल, वदले मजला भृगू ऋषी साच ।

माझा शाप अतां हा, गेला नाशास बोलिला हेंच ॥१६॥

पुत्राचें बल पाहुन, अदिती झाली मुदीत ती फार ।

ऐका कथा मुनी हो, बोले सुत सावधान तो चतुर ॥१७॥

Translation - भाषांतर
N/A

References : N/A
Last Updated : 2010-10-15T15:08:27.2530000

Comments | अभिप्राय

Comments written here will be public after appropriate moderation.
Like us on Facebook to send us a private message.

immediately prior

  • निकटपूर्वी 
RANDOM WORD

Did you know?

जपाची संख्या १०८ का ?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site