TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|पुराणे|गणेश पुराण|क्रीडा खंड|पूर्वार्ध|
अध्याय ६४

क्रीडा खंड - अध्याय ६४

श्री गणेश पुराणाचे पारायण केल्याने समाधान मिळते आणि जीवनातील सर्व पापे नष्ट होतात.


संग्राम पुढें चालू

(साकी)

कालांतक हा दैत्य असे कीं द्वंद्वयुद्ध हें करितो ।

प्रकाम्य नामक सिद्धि जियेला तिजसंगें करितो ॥१॥

धृ० ॥सुन सुन हें सखया समरकथा ऐकें या ।

दैत्यजातिला स्त्रीजातीशीं करणें युद्धा हें कीं ।

लाजिरवाणें आहे वाटे कविमत साच असें कीं ॥२॥

राक्षस समरीं सिद्धी लागी हरवित युद्धामाजी ।

कौशल्यानें वषितासिद्धी नेम धरित त्यामाजी ॥३॥

शिरसा लक्षुन पर्वत टाकी वधिला असुर तियेनें ।

नंतर समरीं मुसलमल्ल नी मणिमा या जोडीनें ॥४॥

प्रकाम्य सिद्धीसंगें लढते पुनरपि असूरजोडी ।

इषिता वषिता महिमा प्राप्ती लघिमा गरिमा सोडी ॥५॥

या सिद्धींनीं समरामाजी प्रचंड राक्षस दोनी ।

इतर असुर हे वधिले त्रयदिनिं युद्धासी या करुनी ॥६॥

ऐसें पाहुन देवांतक हा युद्धामध्यें शिरला ।

तेव्हां समरीं देववीर बहु असिनें वधिता झाला ॥७॥

असुरपराक्रम पाहुन तेव्हां देवसैन्य तें फुटलें ।

इकडे तिकडे देव सर्वही तेथून पळते झाले ॥८॥

देवसैन्य हें विलग पाहुनी आठी सिद्धी मिळुनी ।

एकजुटीनें असुरसैन्य त्या झाकित तरु-हीरांनीं ॥९॥

तेव्हां दैत्यें खड्‌ग घेउनी चूर्ण तयांचें केलें ।

आठहि सिद्धी निर्बल करुनी तेथें त्यां लोळविलें ॥१०॥

पाहुन बुद्धी स्थिती तयांची मागे आज्ञा प्रभुसी ।

असुरांची मी पाहिं परीक्षा मोद होत त्यांसी ॥११॥

Translation - भाषांतर
N/A

References : N/A
Last Updated : 2010-10-15T15:09:14.2970000

Comments | अभिप्राय

Comments written here will be public after appropriate moderation.
Like us on Facebook to send us a private message.

भोलांग

  • वि. ( व . ना . ) निर्जन ; ओसाड ; भयाण . 
RANDOM WORD

Did you know?

गांवे, नद्या, समुद्र, देवदेवता किंवा अन्य नांवांची उत्पत्ती काय असेल? नांवे कशी पडली असतील?
Category : Hindu - Literature
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site