TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|पुराणे|गणेश पुराण|क्रीडा खंड|पूर्वार्ध|
अध्याय ३६

क्रीडा खंड - अध्याय ३६

श्री गणेश पुराणाचे पारायण केल्याने समाधान मिळते आणि जीवनातील सर्व पापे नष्ट होतात.


ब्रह्मदेवाची गजाननाराधना

(दिंडी)

विधी व्यासांना स्वकिय वृत्त सांगे ।

प्रभू आराधन करित योग्य आंगें ।

सह्य पर्वतिं कीं क्षेत्र एक आहे ।

महाबल हें नाम तया आहे ॥१॥

तिथें नांदत तो गिरिश-देव व्यासां ।

मला वाटे कीं यज्ञ करुं खासा ।

म्हणुन गेलों मी गिरिशगृहीं यागा ।

सवें भार्याही घेतल्या असें यागा ॥२॥

तिथें जाउनियां गिरिश यांस सांगे ।

त्वदिय सदनीं कीं याग करुं वागे ।

असें माझें हें मनिष करा पूर्ण ।

साहाय्य अपुलें तें याचितसें पूर्ण ॥३॥

असें प्रार्थुनियां याग-गृहा स्थापी ।

उभवि मडप नी यागकुंड मापीं ।

करी यागाची सिद्धता स्वयें सर्व ।

बसे यागासी योग्य बघे पर्व ॥४॥

सती सावित्री करित गृहीं काज ।

नसे आव्हानीं म्हणुन सख्या तीस ।

दुजी गायत्री घेतली असे यागीं ।

याग आरंभी योग्य अशा योगीं ॥५॥

तोंच सावित्री मंडपामधें आली ।

मदियवांचुन हो सुरुवात कशी केली ।

वदत रागानें ऋत्विजां सती काय ।

मदिय केला अपमान असा काय ॥६॥

म्हनुन सिद्धिस हा याग नसे जाई ।

त्वरित सकलांची जडहि तनू होई ।

शाप ऐकुनियां भयभीत असे झाले ।

वदति तिजला कीं जलहि असें बोले ॥७॥

अशी ऐकुनियां विनित सती-वाणी ।

मान्य केली ते होत सर्व पाणी ।

नदीरुपी ते सकल देव झाले ।

तोंच कांतांनीं नवल देखियेलें ॥८॥

(शार्दूंलविक्रीडित)

इंद्राणी कमळा उमा इतर त्या छाया अशा कामिनी ।

मान्याचा अपमान हा करुनियां यज्ञास ही भामिनी ।

आव्हानीं नच हे विधी करिसी कां यागास आरंभिसी ।

वाटे कीं प्रभुला गजानन अधीं तूं तो नसे पूजिसी ॥९॥

यासाठीं पति आमुचे जल असे झाले विधी खास हें ।

रक्षी त्या सकलां वदे विधि तयां भीऊं नका साच हें ।

सर्वांचें हित तें करीन वदलों यत्‍नास मी लागतों ।

आतां सर्वजणी गजानन भजा मीही तपा बैसतों ॥१०॥

(गीति)

एणेंपरि सुरकांता, शांत करुनियां बरोबरी घे मी ।

कर्नाटक प्रांतीं त्या, नेल्या सत्वर स्थलास त्या नामी ॥११॥

श्रीरामचंद्र जेथें, रावणहननीं यशस्वि होण्यासी ।

मंदर वृक्ष तळीं तो, तपसा करि वक्रतुंड सायासी ॥१२॥

तेथें सुरकांतांनीं, शमिपत्रीं वक्रतुंड पूजियला ।

प्रसन्न होऊन त्यांना, प्रकटे प्रभुवरद रुप तो झाला ॥१३॥

पाणी चार जयाला, कर्णी कुंडल किरीट तो शिरसा ।

ऐसें रुप बघूनी, स्तविल्या झाल्या प्रचूरशा वचसा ॥१४॥

Translation - भाषांतर
N/A

References : N/A
Last Updated : 2010-10-15T15:08:53.0870000

Comments | अभिप्राय

Comments written here will be public after appropriate moderation.
Like us on Facebook to send us a private message.

अभियंता

  • ना. इंनिनियर , तंत्रविशारद अधिकारी . 
RANDOM WORD

Did you know?

मृत माणसाचा पिंड भाताचा कां करतात?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.