TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|पुराणे|गणेश पुराण|क्रीडा खंड|पूर्वार्ध|
अध्याय ६

क्रीडा खंड - अध्याय ६

श्री गणेश पुराणाचे पारायण केल्याने समाधान मिळते आणि जीवनातील सर्व पापे नष्ट होतात.


अदितीस पुत्रप्राप्ति

(गीति)

अदिती वरप्रदानें, तोषित केली गजानन प्रभुनें ।

इकडे पीडित झाली, अवनी बहु त्या असूरभारानें ॥१॥

पूर्वस्वरुप बदलुनि, आली चरणांसमीप ती माझे ।

प्रार्थुन म्हणे मला ती, सोसत नाहीं असूर बहु ओझें ॥२॥

वदलों तियेस मग मी, असुरांपासून गे तुला पीडा ।

हवनें बंद म्हणूनी, हव्या-कव्यांसही असे पीडा ॥३॥

यास्तव आपण सारे, शरण रिघूंया गजानना आधीं ।

आधि निरशिल प्रभु तो, संसाराची चुकेल मग आधीं ॥४॥

म्हणती परमात्म्यासी, शास्त्रांमाजी तया निराकार ।

आकार त्यास येतां, म्हणती झाले तयास साकार ॥५॥

साकार देव होतां, त्याच्या हस्तें असूर हो हनन ।

विधीचें भाषण ऐकुन, सुर-मुनि-अवनी करीत तीं स्तवन ॥६॥

वदतीं झालीं देवा, व्हावें साकार कीं असुरनाशा ।

आम्ही पीडित झालों, मुक्त करीं तूं अम्हांस ही आशा ॥७॥

ऐसें स्तवीत असतां, तों एकाकीं विहत्‌ध्वनी थोर ।

तुम्ही भिऊं नका घे, कश्यपसदनीं गणेश अवतार ॥८॥

तेथें अद्‌भुत कृत्यें, करुनी फडशा असंख्य दुष्टांचा ।

बहुविध प्रकार करुनी, स्वकरें संहार तो करी साचा ॥९॥

(शार्दूलविक्रीडित)

आकाशीं ध्वनि जाहला अदितिच्या कुक्षीं प्रभू येतसे ।

झाले मास पुरे नऊ अदितिला झाली प्रसूती असे ।

तेजस्वी सुत तो बघून जननी नेत्रांस झांकीतसे ।

तेव्हां कश्यप तो सुतास नयनीं पाहे गती ती असे ॥१०॥

दोघें धैर्य करुन त्यास बघती बोले प्रभू त्यांस कीं ।

हे माते मजसी सु-भाव मजसी पूर्वी वरा देत कीं ।

तो मी पूर्ण करावयास उदरीं जन्मोन हो सूत मी ।

ऐसें भाषण ती करुन श्रवणीं मोदें मला ती नमी ॥११॥

तूझें दिव्य असें सुरुप लपवीं बालत्व रुपा धरीं ।

होईं मानव तूं इथें झडकरी प्रार्थीत ती सुंदरी ।

ऐकूनी मग मी तिथेंच उदरीं जन्मोन होई सुत ।

केलें रुदन तें श्रवोन जनकें विप्रांस पाचारित ॥१२॥

केला जातक कश्यपें विधि पुढें केलें असे बारसें ।

ठेवी नाम सुता ’महोत्कट’ असें मोदें करुनी असें ।

ऐकावें पुढती पुराण मुनि हो बोले तयां सूत तो ।

सांगे तेंच भृगू सुवृत्त पुढती ऐके सुखें भूप तो ॥१३॥

Translation - भाषांतर
N/A

References : N/A
Last Updated : 2010-10-15T15:08:25.2470000

Comments | अभिप्राय

Comments written here will be public after appropriate moderation.
Like us on Facebook to send us a private message.

tertiary sources

  • न./अ.व. तृतीयक साधने 
RANDOM WORD

Did you know?

मंत्राग्नी आणि भडाग्नी मध्ये म्हणजे काय? ते केव्हां देतात?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.