TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|पुराणे|गणेश पुराण|क्रीडा खंड|पूर्वार्ध|
अध्याय १

क्रीडा खंड - अध्याय १

श्री गणेश पुराणाचे पारायण केल्याने समाधान मिळते आणि जीवनातील सर्व पापे नष्ट होतात.


रौद्र केतूची कथा

(गीति)

पूर्वीं सत्रमाजी, पुराण कथिते प्रमूख जे सूत ।

शौनक मुख्य मुनी हे, वदती त्यांना पुढें कथा वृत्त ॥१॥

अपुल्या मुखीं कथा त्या, बहुविध ऐकून मुदित हो आम्ही ।

झालों बहूत आतां, अणखी कथणें श्रवूं कथा आम्ही ॥२॥

सूत म्हणे त्या मुनिसी, कथिला तुम्हां उपासनाखंड ।

क्रीडाखंड अतां मी, कथितों तुम्हां बहूत तो चंड ॥३॥

क्रीडाखंडामध्यें, मर्दुनि पुष्कळ असूर या जगतीं ।

गोविप्रसाधुसंतां, गणपति रक्षी तयांस बहु प्रीती ॥४॥

विधिनें व्यासां कथिल्या, भृगु कथिती सोमकांत भूपा त्या ।

सांगे तुम्हांस आतां, ऐकाव्या सावधान चित्तीं त्या ॥५॥

विष्णुमुखीं मीं श्रुत जें, केलें अख्यान सांगतों कीं तें ।

ऐका समस्त आतां, श्रवणें मननें करुन कीं मग तें ॥६॥

गणपति युगीं युगीं कीं, प्रसिद्ध होती अनेक नामांनीं ।

वहनें तशींच योजुन, दैत्याम वधती बसून त्या वहनीं ॥७॥

कृतयुगिं वदती प्रभुसी, नाम ’विनायक’ असेंच हें साचें ।

सिंहावरि बैसुनियां, मर्दन करिती प्रचंड असुरांचें ॥८॥

त्रेतायुगीं मयुरावर, ’मयुरेश्वर’ नाम घे बसुन पृष्ठीं ।

असुर वधुनियां सारे, रक्षियली कीं समस्त ही सृष्टी ॥९॥

द्वापारीं नाम पहा, प्रसिद्ध झालें ’गजानन’ प्रभुसी ।

रक्षति समस्त जीवां, ब्रीद असें हें धरुन समयासी ॥१०॥

कलियुगिं प्रसिद्ध होइल, नाम तया ’धूम्रवर्ण’ हें खास ।

मूषक वहनी बैसुन, म्लेच्छां वधि भूवरी करुन वास ॥११॥

(दिंडी)

भरतखंडीं हा अंग देश भाग ।

तिथें नांदतसे विप्र एक चांग ।

रौद्रकेतू हें नाम तया होतें ।

वेदशास्त्रादी योग्य पठण होतें ॥१२॥

सदाचारी हा योग्य असा होता ।

असे साध्वी त्या रुपवती कांता ।

रुप सुंदर हें अप्सरा दिसे ऊन ।

अष्टसिद्धी त्या दिसति तशा ऊन ॥१३॥

नाम कांतेचें शारदाच साचें ।

होति गर्भिणि ती तेज अमुप तीचें ।

पुरवि दोहद हे विप्र तिचे सारे ।

प्रसुत झाली ती दोन सूत तारे ॥१४॥

युग्म सुंदर तें रुप मनोहारी ।

नेत्र मोठे ते पाणिदार भारी ।

हस्त लांबट आजानु असे होते ।

सुता पाहुनियां आनंदयुक्त होते ॥१५॥

आणवि ज्योतिष हे जातकर्म-कार्या ।

नाम ठेवितसे रौद्रकेतु भार्या ।

नाम देवांतक ज्येष्ठ सुता ठेवी ।

नरांतक हें नाम दुजा ठेवी ॥१६॥

(साकी)

एके दिवशीं नारद आले रौद्रकेतुसदनासी ।

त्वत्पुत्रांची कीर्ती ऐकुन आलों मी बघण्यासी ॥१७॥

धृ० ॥ सुन सुन वृत्तासी मुनि वदती भूपासी ।

लहानपणिं जर इतुकी कीर्ती अवनीवर ती झाली ।

थोरपणिं ही त्रिभुवनिं पसरुन शेष तरी उरली ॥१८॥

अनुपम ऐसी होइल कीर्ती मजला ही वाटे ।

नारद भाषण ऐकुन तेव्हां मोद तयासी दाटे ॥१९॥

रौद्रकेतु कीं बोले मुनिं हो अपुल्या आशीर्वचनें ।

दीर्घायू हे होवो आणी जिंको अरि स्वबलानें ॥२०॥

ऐसा कांहीं उपाय सांगा रौद्रकेतु हें वदला ।

दंपत्याचें प्रेम सुतावरि देखुनि हें मुनि वदला ॥२१॥

नारद मुनिंनीं उभय सुतांसी घेउनियां शेजारीं ।

बोधियला मग पंचाक्षरि हा मंत्र जपा अविकारी ॥२२॥

त्या सूतांना आज्ञा केली भजणें कीं त्रिपुरारी ।

ऐसें नारद सांगुन गेले सूत म्हणे अवधारीं ॥२३॥

Translation - भाषांतर
N/A

References : N/A
Last Updated : 2010-10-15T15:08:20.4500000

Comments | अभिप्राय

Comments written here will be public after appropriate moderation.
Like us on Facebook to send us a private message.

बेणा-णी-णें

  • a  Disclosed; become visible. 
RANDOM WORD

Did you know?

चतुर्थीला चंद्र पाहूनच उपास का सोडतात?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site