TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|पुराणे|गणेश पुराण|क्रीडा खंड|पूर्वार्ध|
अध्याय ६२

क्रीडा खंड - अध्याय ६२

श्री गणेश पुराणाचे पारायण केल्याने समाधान मिळते आणि जीवनातील सर्व पापे नष्ट होतात.


नरांतकाच्या मातापितरांचा विलाप

(शिखरिणी)

पिता माता दोघें सदनिं बसलीं शांत मनसें ।

घडे एकाएकीं सुतशिर तदा पेंद समसें ।

बघोनी दृष्टीनें उभय करिती शोक मग तीं ।

सवें दोघें घेती शिरकमल तें स्वर्ग बघती ॥१॥

(वसंततिलका)

देवांतका कळत तात अधींच स्वर्गी ।

माता पिता करित शोक तदर्थ मार्गी ।

होती प्रविष्ट मग तीं नगरांत जेव्हां ।

देवांतका परम वाटत दुःख तेव्हां ॥२॥

(भुजंगप्रयात)

वदे रौद्रकेतू सूता साग्र हें कीं ।

मुनीसूत राजा गृहीं लग्र जें कीं ।

तयासाठिं आणी गृहीं काश्यपेया ।

वधी बंधु तूझा मही सूतराया ॥३॥

(उपजाति)

नरांतका हें कळतांच वृत्त । प्राणास त्याच्या हरणा-प्रयुक्त ।

पुरांत धाडी असुरांस गुप्त । गेले तिथें जे मुर ते समाप्त ॥४॥

(गीति)

तेव्हां कश्यपसूता, शिक्षा करण्या स्वतां तिथें गेला ।

एकहि वीर न उरला, समरांगणिं तो तिथेंच मृत झाला ॥५॥

त्याचें मस्तक अपुल्या, सदनीं पडलें कपिथ्यफल ऐसें ।

ऐकुन वृत्त पित्याला, देवांतक त्यास हें वदे ऐसें ॥६॥

कश्यपनंदन मारुन, नंतर विधि हा पुढेंच मी करिन ।

रंभेचा कोंब जसा, खोडावा त्या समान मारीन ॥७॥

ऐसें वदून जनका, केलें उड्डाण तेधवां त्यानें ।

त्याचे सेवक सारे, उडते झाले जणूच तीं पानें ॥८॥

घेरिति पुरास तेव्हां, राक्षस सारे वधोन पुरवासी ।

नृपमंदिराशिं जमले, तों दूतांनीं निवेदिलें प्रभुसी ॥९॥

Translation - भाषांतर
N/A

References : N/A
Last Updated : 2010-10-15T15:09:12.3400000

Comments | अभिप्राय

Comments written here will be public after appropriate moderation.
Like us on Facebook to send us a private message.

guava

  • पु. पेरू 
  • पेरु 
  • पु. पेरू 
RANDOM WORD

Did you know?

प्रासंगिक पूजा म्हणजे काय? त्या कोणकोणत्या?
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.