आत्मबोध टीका - श्लोक ३४ व ३५

अहमाकाशवत्सर्व बहिरंतर्गतोच्युत: ।
सदासर्वसम:शुद्धो नि:संगोनिर्मलोचल: ॥३४॥

मी आकाशा सारिखा निर्मळ । व्यापोनिया दृश्यजात सकळ बहिरंतरगत असता सर्वकाळ । निसंग असे सर्वदा ॥२३॥
शमविषमा माजि मी सम । च्युती रहित मी अच्युत नि:सीम । शुद्ध स्वरूप उत्तमोत्तम । चळरहित अचळ मी ॥२४॥

नित्यशुद्धविमुक्तैकमखंडानंदमद्वंय ।
सत्यंज्ञानमनंतं यत्परंब्रह्माहमेवतत् ॥३५॥

मी नित्यशुद्ध विशेषण मुक्त । अखंड आद्वय आनंद भरित । सत्य ज्ञानानंत जें निश्चित । तेंचि ब्रह्म असे मी ॥२५॥