श्रीविठ्ठलार्तिक्यम्

जय जय विठ्ठल भगवन् करुणामयमूर्ते !
धूर्तेतरसकृदुपनतसर्वेप्सितपूर्ते ! -ध्रुव० ॥
श्रुतिशास्त्राचारानधिकारादतिमलिना
जीवास्तव दृष्टस्मृतवंदितपदनलिनाः
ते सांजलिना दूरान्नमिताः खलु कलिना
कालेनापि कवलिताखिलजगता बलिना. जय जय० ॥१॥
भवताधिष्ठितमनिशं भीमरथीतेरम्
वैकुंठीकृतमिह नो रमयति कं धीरम्
जडमपि कुरुषे सुपटुं वाचि यथा कीरम्
शिरसि बिभर्षि घृतं ते येन चरणनीरम्. । जय जय० ॥२॥
त्वां मेघमिव मयूरा दृष्ट्वा तव भृत्याः
प्रेमाश्रुप्लुतनयना भृशविस्मृतकृत्याः
व्यक्तं मंक्षु भवंति प्रमुदादृतकृत्या
मुक्तिर्वृणुते तानुरुगाय ! मनोवृत्त्या. । जय जय० ॥३॥