TransLiteral Foundation
मराठी मुख्य सूची|मराठी साहित्य|गाणी व कविता|श्री विष्णुदासांची कविता|भूपाळी आणि पदे|
तुम्हांला पावलि जगदंबा

पद - तुम्हांला पावलि जगदंबा

श्रीमज्जगज्जननी, त्रिभुवनसुंदरी श्रीरेणुकामाऊलीचे अत्यंत लाडके पुत्र श्रीमत्परमहंस श्रीसद्‍गुरू पुरूषोत्तमानंद सरस्वति उर्फ श्रीविष्णुकवि महाराज यांच्या कवितांचा हा अनमोल ठेवा.


तुम्हांला पावलि जगदंबा
( चाल : जमका अजब तडाखा बे. )
तुम्हांला पावलि जगदंबा । आम्हांला भलि लागलि बाबा ॥धृ०॥
तुम्ही पंचामृतस्नान घालितां उटणें लावुन अंगा ।
आमच्या नयनाच्या तुंब्यांतुन वाहे झुळझुळ गंगा ॥ तुम्हांला० ॥१॥
तुमची उंचिची नवि कंचुकि, साडी जरिकांठाची ।
अमुची वाकळ जुनि ठिगळाची सात - पांच बोटांची ॥ तुम्हांला० ॥२॥
तुम्ही घालतां गोठ - पाटल्या, बाळ्या - बुगड्या, कंठा ।
आम्ही वाजवित उगीच बसलों अनुहाताचा घंटा ॥ तुम्हांला० ॥३॥
तुमची साखर - पुरि, साटोरी, बर्फी, जिलबी, ताजी ।
अमुची कसची तरि गरिबाची वरण, भाकरी, भाजी ॥ तुम्हांला० ॥४॥
तुमच्या अरत्या परत्या होती पंक्ति, तुपाच्या धारी ।
बिनतेलाचा दिवा लावुनी बसतों अम्हिं अंधारीं ॥ तुम्हांला० ॥५॥
तुमची दक्षिणा, पान - सुपारी, अत्तर फूल चमेली ।
अमुची वासना वांझ बायको लटकी मायच मेली ॥ तुम्हांला० ॥६॥
विष्णुदास म्हणे, तुम्हीं तिला तरि इच्छित धन मागावें ।
आम्हिं तर डोळे लावुन पहावें तोंड मिटुनिया गावें ॥ तुम्हांला ॥७॥

Translation - भाषांतर
N/A

References : N/A
Last Updated : 2016-11-11T12:53:47.0930000

Comments | अभिप्राय

Comments written here will be public after appropriate moderation.
Like us on Facebook to send us a private message.

equaliser brake

  • समकारी आरोधी 
RANDOM WORD

Did you know?

एखाद्या वास्तुला वास्तुशास्त्रानुसार कोणतेच उपाय नसल्यास, मग कांहीे उपाय आहे काय?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site