TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|गाणी व कविता|श्री विष्णुदासांची कविता|भूपाळी आणि पदे|
गोंधळ

गोंधळ

श्रीमज्जगज्जननी, त्रिभुवनसुंदरी श्रीरेणुकामाऊलीचे अत्यंत लाडके पुत्र श्रीमत्परमहंस श्रीसद्‍गुरू पुरूषोत्तमानंद सरस्वति उर्फ श्रीविष्णुकवि महाराज यांच्या कवितांचा हा अनमोल ठेवा.


गोंधळ
माहुरगड - वासिनी आउबाइ ! गोंधळा येई हो
कोल्हापुर - वासिनी रमाबाइ ! गोंधळा येई गोंधळा हो
तुळजापुर - वासिनी तुकाबाइ ! गोंधळा येई हो
पंढरपुर - वासिनी विठाबाइ ! गोंधळा येई हो
सहपरिवारें रंगमंडपांगणिं सादर होई
नवस तुझा हा तूंचि आपुला फेडुनिया घेई
हेची वारंवार विनंती शिर ठेवुनि पायीं ॥धृ०॥
पुराण, कीर्तन, श्रवण, उपोषण, जाग्रण, तुजकारणें
अनंत जन्माचें घडलें अजि पुण्याचें पारणें
दुर्बळ दिनदुबळ्याचि दिवाळी ही अंगिकारणें
कृष्णामलिकग्रामिं फडकती विजयध्वजतोरणें
तुझ्या गृहीं जरि बहु चिंतामणि सुरतरु सुरगायी ॥ माहुर० ॥१॥
माणिक - चौकीं पडदे चिकाचे चौफेरीं सोडिले
रत्नखचित षोडशदळमंडित स्वस्तिक पिठ मांडिलें
मोत्यांच्या रांगोळ्यावरि बुट रंगांचे काढिले
कनकताटिं पंचामृत षड्रस - पक्कान्नहि वाढिलें
सुगंध, तैलांबर, कर्पूंर, धुप, दिप, ठाईंठाईं ॥ माहुर० ॥२॥
सकळहि सुरवर नरवर आले सिंहाद्रीं पर्वतीं
ऋद्धि - सिद्धी सिद्ध ऋषीगण गणपति - सरस्वती
ब्रह्मदेव - सावित्री, विष्णू - लक्ष्मी, शिव - पार्वती
कृष्णा, वेण्या, भिमा, सरस्वति, यमुना, भागीरथी,
लीपामुद्रा अरुंधति सती राही रुखुमाई ॥ माहुर० ॥३॥
आनंदीचा सदा आनंदें मांडिला गोंधळ
नारद, तुंबर, गाति, नाचती सुर - रंभा - मंडळ
सुगंध, केशर, गुलाल, कुंकुम, पुष्पांचा परिमळ
वाजति तुंबळ दशविध वाद्यें अनुहतध्वनि - संबळ
विष्णुदास म्हणे उदय रेणुके, दीनांचे आई ॥ माहुर० ॥४॥

Translation - भाषांतर
N/A

References : N/A
Last Updated : 2016-11-11T12:53:46.0000000

Comments | अभिप्राय

Comments written here will be public after appropriate moderation.
Like us on Facebook to send us a private message.

झाला देशाचा पुढारी, तुरंगाची वाट धरी

  • जो देशाचा राजकीय पुढारी होतो त्‍यास तुरुंगात जाण्याची पाळी केव्हांतरी आल्‍यावांचून राहात नाही. ‘देशभक्ती प्रासाद बंदिशाळा। शृंखलांच्या गुंफिल्‍या पुष्‍पमाला।’ -विनायक प्रभावती नाटक. 
RANDOM WORD

Did you know?

pl. kartiksnanache ani kakadariche mahatva sangave ?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site