TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|गाणी व कविता|श्री विष्णुदासांची कविता|भूपाळी आणि पदे|
धांव ग

पद - धांव ग

श्रीमज्जगज्जननी, त्रिभुवनसुंदरी श्रीरेणुकामाऊलीचे अत्यंत लाडके पुत्र श्रीमत्परमहंस श्रीसद्‍गुरू पुरूषोत्तमानंद सरस्वति उर्फ श्रीविष्णुकवि महाराज यांच्या कवितांचा हा अनमोल ठेवा.


धांव ग
( चाल : धाव रे रामराया )
धांव ग, धांव आतां धांव, परम स्नेहाळे
रेणुके, रेणुके, तूं दिनजननि दयाळे ॥धृ०॥
विश्वाची जननी तूं जगदंबे, लेंकुरवाळे
येउं दे माझी कांहीं तुला करुणा कनवाळे ॥ धांव ग० ॥१॥
निष्ठुर मन केलें मजवरती आगळें
तुझेचि खेळ सारे, आलें कळून सगळें ॥ धांव ग० ॥२॥
बहुत मी काय बोलूं, जीव माझा हा अरबळे
तुलाचि भांडतों मी माय, तुझ्याचि बळें ॥ धांव ग० ॥३॥
तुज कुणि नेसावया आणलें वसन पिवळें
पाठमोरी करुणेची गंगा पुनरपी वळे ॥ धांव ग० ॥४॥
बसलिस जेवावया तूं नेसुन सोवळें
असेल परि द्रवलें मन खचित कोवळें ॥ धांव ग० ॥५॥
कां न येसी मजवर आलें संकट दयाळे
गुंतलीस माउली तूं काय पाजावया बाळें ॥ धांव ग० ॥६॥
आकांत दुःख माझें कां न येवढें कळे
कानांत बसली कीं मळ - मातिची ढेकळें ॥ धांव ग० ॥७॥
हांका न ऐकुं देती दुष्ट दुरित कावळे
करती कलकलाट तुजभोंवतीं सांवळे ॥ धांव ग० ॥८॥
श्रमलिस काय एकविरे अजिंक्य विशाळे
उपेक्षीतां लागेल कीं निळरंग कविशाळे ॥ धांव ग० ॥९॥
जघन्य ह्रदय - सरोवर मानसमराळे
राहुं नको तरि आई, मजपासून निराळें ॥ धांव ग० ॥१०॥
चिंतितां संकटाची सेना सकळ मावळे
विष्णुदास म्हणे म्हणती तुझे भक्त नामावळे ॥ धांव ग० ॥११॥

Translation - भाषांतर
N/A

References : N/A
Last Updated : 2016-11-11T12:53:46.3600000

Comments | अभिप्राय

Comments written here will be public after appropriate moderation.
Like us on Facebook to send us a private message.

astound

  • थक्क करणे 
RANDOM WORD

Did you know?

देव्हार्‍यात कोणत्या दिशेला दिव्याची वात असावी, त्याचे फायदे तोटे काय?
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site