TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|गाणी व कविता|श्री विष्णुदासांची कविता|भूपाळी आणि पदे|
श्रीमूळपीठनायके

पद - श्रीमूळपीठनायके

श्रीमज्जगज्जननी, त्रिभुवनसुंदरी श्रीरेणुकामाऊलीचे अत्यंत लाडके पुत्र श्रीमत्परमहंस श्रीसद्‍गुरू पुरूषोत्तमानंद सरस्वति उर्फ श्रीविष्णुकवि महाराज यांच्या कवितांचा हा अनमोल ठेवा.


श्रीमूळपीठनायके
( लावणीची चाल : साजन्‍ नये मंदिरी )
श्रीमूळपीठनायके, माय रेणुके, अंबाबाई
नको माझि उपेक्षा करुं; पाव लवलाही ॥धृ०॥
जय दुर्गे, नारायणी, विश्वस्वामिनी, सगुणरुपखाणी
जय मंगलवरदायिनी, सर्वकल्याणी
जय महिषासुरमर्दिनी, राजनंदिनी, पंकजपाणी
हे भार्गवजननी मला पाव निर्वाणीं
जय प्रसन्नमुख त्रिंबके, जगदंबिके, प्रसन्न तूं होई
नको माझि उपेक्षा करुं, पाव लवलाही ॥१॥
कल्पना फिरवि गरगर, समूळची घर, बुडवायाची
ही दुर्लभ नरतनु अतां जाति वायांची
शिर झालें पांढरें फटक, लागली चटक, अधिक विषयाची
कशि होइल मजला भेट तुझ्या पायाची
ये धांवत तरि तांतडी, घालि तूं उडी, पाहसी काई
नको माझि उपेक्षा करुं; पाव लवलाही ॥२॥
तुजवांचुन मज दूसरा, नसे आसरा, जगीं जगदंबे
तूं भवानि, मजवर कृपा करी अविलंबे
सोन्याचा उगवी दिवस, करितों नवस, सकळारंभे
मी भरिन ओटि नारळीं, केळिं, डाळिंबें
मी अनाथ दीन केवळ, माझि कळकळ, येउं दे कांहीं
नको माझि उपेक्षा करुं; पाव लवलाही ॥३॥
मी थोर पतित पातकी, माझी ईतुकी, अर्जि ऐकावी
एकदां कसेंही करुन भेट मज द्यावी
तूं देणार नाहिंस हाणुन, आलों मी म्हणुन, तुझ्या या गांवीं
म्हणे विष्णुदास ही कीर्ति जगामधें गावी
धिर नाहिं अतां पळघडी, म्हणुन येवढी, सुटली घाई
नको माझि उपेक्षा करुं; पाव लवलाही ॥४॥

Translation - भाषांतर
N/A

References : N/A
Last Updated : 2016-11-11T12:53:46.8600000

Comments | अभिप्राय

Comments written here will be public after appropriate moderation.
Like us on Facebook to send us a private message.

तेणे

  • सना . ( कु . ) त्यांनी - ने . [ तो + नी , ने प्रत्यय ] तेणेसी - क्रिवि . ( काव्य ) त्याच्यासहवर्तमान . येकेक पुच्छी बांधोन । करी गमन तेणेसी । - भाराकिष्किंधा १४ . ८५ . [ तेणे + सह ] 
RANDOM WORD

Did you know?

चतुर्थीला चंद्र पाहूनच उपास का सोडतात?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.