TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
संस्कृत सूची|संस्कृत साहित्य|पुराण|श्रीनरसिंहपुराण|
अध्याय २२

श्रीनरसिंहपुराण - अध्याय २२

अन्य पुराणोंकी तरह श्रीनरसिंहपुराण भी भगवान् श्रीवेदव्यासरचित ही माना जाता है ।


अध्याय २२

चन्द्रवंशका वर्णन

सूत उवाच

सोमवंशं श्रृणुष्वाथ भरद्वाज महामुने ।

पुराणे विस्तरेणोक्तं संक्षेपात् कथयेऽधुना ॥१॥

आदौ तावद्वह्मा । ब्रह्मणो मानसः पुत्रो मरीचिर्मरीचेर्दाक्षायण्यां कश्यपः ॥२॥

कश्यपाददितेरादित्यः । आदित्यात् सुवर्चलायां मनुः ॥३॥

मनोः सुरुपायां सोमः । सोमाद्रोहिण्यां बुधः । बुधादिलायां पुरुरवाः ॥४॥

पुरुरवस आयुः । आयो रुपवत्यां नहुषः ॥५॥

नहुषात् पितृवत्यां ययातिः । ययातेः शर्मिष्ठायां पुरुः ॥६॥

पूरोर्वशदायां सम्पातिः । सम्पातेर्भानुदत्तायां सार्वभौमः । सार्वभौमस्य वैदेह्यां भोजः ॥७॥

भोजस्य लिङ्गायां दुष्यन्तः दुष्यन्तस्य शकुन्तलायां भरतः ॥८॥

भरतस्य नन्दायामजमीढः । अजमीढस्य सुदेव्यां पृश्निः । पृश्नेरुग्रसेनायां प्रसरः । प्रसरस्य बहुरुपायां शंतनुः । शंतनोर्योजनगन्धायां विचित्रवीर्यः । विचित्रवीर्यस्याम्बिकायां पाण्डुः ॥९॥

पाण्डोः कुन्तिदेव्यामर्जुनः । अर्जुनात् सुभद्रायामभिमन्युः ॥१०॥

अभिमन्योरुत्तरायां परीक्षितः । परीक्षितस्य मातृवत्यां जनमेजयः । जनमेजयस्य पुण्यवत्यां शतानीकः ॥११॥

शतानीकस्य पुष्पवत्यां सहस्त्रानीकः । सहस्त्रानीकस्य मृगवत्यामुदयनः । तस्य वासवदत्तायां नरवाहनः ॥१२॥

नरवाहनस्याश्वमेधायां क्षेमकः । क्षेमकान्ताः पाण्डवाः सोमवंशो निवर्तते ॥१३॥

य इदं श्रृणुयान्नित्यं राजवंशमनुत्तमम् ।

सर्वपापविशुद्धात्मा विष्णुलोकं स गच्छति ॥१४॥

यश्चेदं पठते नित्यं श्राद्धे वा श्रावयेत् पितृन् ।

वंशानुकीर्तनं पुण्यं पितृणां दत्तमक्षयम् ॥१५॥

राज्ञां हि सोमस्य मया तवेरित वंशानुकीर्तिर्द्विजं पापनाशनी ।

श्रृणुष्व विप्रेन्द्र मयोच्यमानं मन्वन्तरं चापि चतुर्दशाख्यम् ॥१६॥

इति श्रीनरसिंहपुराणे सोमवंशानुकीर्तनं नाम द्वाविंशोऽध्यायः ॥२२॥

Translation - भाषांतर
N/A

References : N/A
Last Updated : 2009-07-29T00:29:32.5130000

Comments | अभिप्राय

Comments written here will be public after appropriate moderation.
Like us on Facebook to send us a private message.

SUDEVA I(सुदेव)

  • A brahmin who was a favourite of the King of Vidarbha. It was this brahmin who was sent by the King of Vidarbha to search for Damayantī. (See under Damayantī). 
RANDOM WORD

Did you know?

aatmyathyatmya meaning
Category : Puranic Literature
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site