माझें गाणें - एक सदा मज हें गाणें, गुंग...

एक सदा मज हें गाणें, गुंगूं द्या आनंदानें
बालपणांतुनि
तारुण्यांतुनि
काळाच्या कुहरांतोनी, एकच हीं माझीं गाणीं १

छता जगाच्या बदलोत, एक सदा माझें गीत
उच्चनीचता
नलगे आतां
कसलीही परवा नाही; गाण्यांतच सारें काहीं २

गाण्यानें केलें वेडें, बंधाचे तुटले वेढे
स्वैरपणाची
यात्रा साची
गाण्याची करणें आतां, दिव्याची वाचिक गाया ३

बेफिकीर आत्मा झाला गाऊं द्या अक्षय त्याला
येथें तेथें
एकच जें तें
गाण्याचे दिसती सूर; भ्रमपटलें झालीं दूर ४

व्रम्हारूप या आम्हांला, कबळूं द्या ब्रम्हांडाला
ऋणें संपलीं
मरणें मेलीं
गाण्याविण नुरलें कांहीं, गाण्याला वंधन नाहीं ५

नवयुग, मे १९२१