जिज्ञासु - हे योगीशा, मोहमूढ मी नर द...

हे योगीशा, मोहमूढ मी नर दुर्बल दीन,
आनंदाच्या मागें वणवण दमलों भटकून १
अपूर्णतेनें पूर्ण निराशा हृदयाची होते;
अमृत मुखाशीं नेतां नेतां विषमय हो येथें. २
आनंदाच्या भारानेंही दुखणारें चित्त,
दु:ख बघुनि मग नवल न त्याचे तुकडे होतात. ३
खराखुरा आनंद असे कीं सर्वच आभास ?
पडतें कोडें लागे वेडें चित्त रडायास ! ४
उदास जीवन कंठायातें मग कांहीं नाहीं
भूलभुलाई तत्त्वज्ञांची शोधुनिया पाहीं. ५