अप्सरांचें गाणें - सुमनांच्या गर्भामाजीं । र...

सुमनांच्या गर्भामाजीं । रसगंगा भरली ताजी;
आजूबाजूला वसलीं । शुभ्र अद्रिशिखरें सगळीं;
सांभाळुनि तरा बाई । वेळ गडे स्नानाची ही ॥१॥

गर्द दाट मधली झाडी । मंदमंद हलवा थोडी;
पराग, समनें हसलेलीं । नीट बघा पायाखालीं;
पुष्पांचा बसला थाट । हळूं ह्ळूं काढा वाट ॥२॥

गोड सुवासाचे मेघ । आळसले जागोजाग;
हिमकणिका त्यांच्या पडती । गोड गोड अंगावरतीं;
पुनीत ही गंगामाई । स्नान करा झटपट बाई ॥३॥

संध्येच्या कोमल किरणीं । मटुनि थटुनि वस्त्राभरणीं
गुंजतसे अक्षयगीतें । बैसुनि त्या भृंगावरते;
मग आपुल्या भरभर जाऊं । देवांचें दर्शन घेऊं ॥४॥