तृतीयाः पाद: - सूत्र २७,२८

तथा च दर्शयति ॥२७॥

तथा च दर्शयति ।
ह्रदययतनत्वमणुपरिमाणत्वं चात्मनोऽभिधाय तस्यैवालोमभ्य आ नखाग्रेभ्य इति चैतन्येन गुणेन समस्तशरीरव्यापित्वं दर्शयति ॥२७॥


पृथगुपदेशात् ॥२८॥

पृथगुपदेशात् ॥ प्रज्ञया शरीरं समारुहयेति चात्मप्रज्ञयो: कर्तृकरणभावेन पृथगुपदेशाच्चैतन्यगुणेनैवास्य शरीरव्यापिताऽवगम्यते ।
तदेषां प्राणानां विज्ञानेन विज्ञानमादायेति च कुर्तु: शरीरात्पृथग्विज्ञानस्योपदेश एतमेवाभिप्रायमुपोद्वलयति ।
तस्मादणुरात्मेत्येवं प्राप्ते ब्रूम: ॥२८॥