सप्ताह अनुष्ठान - देव मज करा

पहातां पहातां देव मज करा । मजला उद्धरा जनां समक्ष ॥१॥
माझीये पापाचे घडतां दहन । त्वदीय भजन-महत्वाने ॥२॥
उदाहरण होतां उघड दिसतां । विश्वास तत्वतां उपजेल ॥३॥
पापी मुक्त झाला तव नाम घेता । ऐशी जनवार्ता परसेल ॥४॥
तया योगे होय विश्वास बहुतां । तेणे तुज दत्ता सेविती जन ॥५॥
संकल्प त्वदीय भजन प्रसाराचा । धर्मसंस्थापनेचा सिद्ध होय ॥६॥
म्हणोनियां आधी मज देव घडवी । दगड बनवी दिव्य नाथा ॥७॥
विनायक म्हणे धर्म स्थापनेसी । याच उपायासी अंगिकारी ॥८॥