द्वितीयाः पाद: - सूत्र ३६

अन्त्यावस्थितेश्चोभयनित्यत्वादविशेष: ॥३६॥

अन्त्यावस्थितेश्चोभयनित्यत्वादविशेष: ।
अपि चान्त्यस्य मोक्षावस्थाभाविनो जीवपरिमाणस्य नित्यत्वमिष्यते जैनै: ।
तद्वत्पूर्वयोरप्यद्यमध्यमयोर्जीवपरिमाणयोर्नित्यत्वप्रसङ्गादविशेषप्रसङ्ग स्यात् ।
एकशरीरपरिमाणतैव स्यान्नोपचितापचितशरीरान्तरप्राप्ति: ।
अथवान्त्यस्य जीवपरिमाणस्यावस्थितत्वात्पूर्वयोरप्यवस्थयोरवस्थितपरिमाण एव जीव: स्यात्तततश्चाविशेषेण सर्वदैवाणुर्महान्वा जीवोऽभ्युपगन्तव्यो न शरीरपरिमाण: ।
अतश्च सौगतवदार्हतमपि मतमसङगतमित्युपेक्षितव्यम् ॥३६॥