श्री कल्याणचे पद - कां रे निष्ठुर राजसा रामा...
ऐतिहासिक पुराव्यांनुसार, समर्थ रामदासांनी रचलेल्या दासबोध या ग्रंथाचे लेखनिक कल्याणस्वामी होते.
कां रे निष्ठुर राजसा रामा । राघवा रे ॥ध्रु.॥
चाड हे नसतां आम्हा । कां रे निर्मीले रामा ।
अपराधी मज तां केलें । माधवा रे ॥१॥
अनंत ब्रह्मांडमाळा । न कळे विचित्र कळा ।
बहुरूपी नारायणा । केशवा रे ॥२॥
सकळीक करणें तुझें । संचित प्रारब्ध माझें ।
बोलणें उचित नव्हे । या जीवा रे ॥३॥
जन वन विजन सज्जना । व्यापाक तूं जनार्दना ।
ठाव हा न दिसे कांहीं । या भवा रे ॥४॥
तन मन धन माझें । सांडणें सांडिलें सहजें१ ।
दासां कल्याण करी । तूं देवदवां रे ॥५॥
Last Updated : March 23, 2014
TOP