भाव

अरे ! इथे... उशीखाली नाही की आज !
काय नाही ?
ते... पुस्तक ?
भगवद्गीतेचे ना ?
हो हो तेच थांब... !
असे नसले एक दिवस म्हणून काय झाले !
नको रे बोवा ! एखादे वेळेस भलतेच विचार - !!
एक अक्षर त्यातले वाचले नाही अन् काही नाही ! आणि...
नसेना वाचले तर ! आम्हा भारतीयांचा... देवी द्रौपदीचा श्रीकृष्ण तर आहे त्यात ! ‘ कृष्णा धाव रे लवकरी, संकट पडके भारी ! ’
कृष्णा धावरे !
अहाहा ! किती गोड शब्द ! संकटाची आमच्या आथवण देऊन... तळमळायला... रडायला लावणारे हे शब्द ऐकू येतात... आणि मग... !
अंतःकरणाला.. भरतखंडाला कंप सुटतो... आणि झोप कशी - !
आणि स्वप्नेही... !
बरे त्यातच मरण आले, तर जाताना...
काय बरे म्हणशील ?
‘ हिंदू ! आणि हिंदुस्थानाचा ! हिंदू !... आणि श्रीकृष्णाचा ! ’