TransLiteral Foundation
मराठी मुख्य सूची|मराठी साहित्य|गाणी व कविता|माधव ज्युलियन|प्रकाशित संग्रहीत कविता|
साशीर्वाद निरोप

प्रकाशित कविता - साशीर्वाद निरोप

डॉ. माधव त्रिंबक पटवर्धन ऊर्फ माधव जूलियन, (जन्म २१ जानेवारी १८९४; मृत्यु २९ नोव्हेंबर १९३९) हे मराठी भाषेतील प्रतिथयश कवी होऊन गेले.


साशीर्वाद निरोप
[सुनीत]

‘ताता’ ! मारित हाक लाडिक अशी धावूनि आलास तू,
होतो वाचित मी चिडूनि म्ह्टलें ‘जा ! देशि का त्रास तू ?’
झालें खर्कन तोण्ड वाऊट तुझें, तत्काळ येऊ रडें,
अन वेगें फिरलास तू परतुनी जायास कोणीकडे -
तों पाठीवरती कडाडुनि बसे चाबूक तैशापरी
मी खुर्चीवरुनी त्वरेंच उठलों दुक्खावुनी अन्तरीं.
घेऊ मी अचलूनि अङग तंव तों थोडें दिसे तापलें.
जीवा चैन नसे तुझ्या म्हणुनि ना आलास ‘ताताकले ?’
आता तू असशी सुखी, विसरुनी गेलास तें मागलें.
मी मोठा, मजला न तें विसरवें, जीवास तें लागलें;
घ्यावी धाव तुवा अशी मजकडे अन मी करावें दुरी ?
- बाळा जाऊं नको दुरी भरभरे रे प्रेम माझे अरीं !
जातां ख्यात करावया पण पुढे तू जा दुरी. खन्त न.
साशीर्वाद निरोप घे, करिन मी तूझें यशश्चिन्तन.

६ जुलै १९३७

Translation - भाषांतर
N/A

References : N/A
Last Updated : 2016-11-11T12:50:20.6700000

Comments | अभिप्राय

Comments written here will be public after appropriate moderation.
Like us on Facebook to send us a private message.

घरघुशी आणि घरनाशी

  • एखादी स्‍त्री हळूहळू गोड गोड बोलून घरात प्रवेश करते व सर्व घरात कलह लावून कुटुंबाचा नाश करते. त्‍याप्रमाणें वरून गोड बोलून आंतून आपला नाश करणार्‍यास उद्देशून वापरतात. 
RANDOM WORD

Did you know?

वारी म्हणजे काय?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.