अथ अधिष्ठाण कथन

॥ अथ अधिष्ठाण कथन ॥
मी मी ऐसें ह्मणत । परी मी कोण हें नेणत । तेंचि आतां मी सांगत । ऐक शिष्या सावध ॥१॥
स्थूळ देह लिंगदेह । कारण जाण तिजा देह । चौथा महाकारण देह । पिंडीं देह चार हे ॥२॥
ब्रह्मांड हिरण्यगर्भ माया । चौथी जाण मूळ माया । पिंड ब्रह्मांडीं हे काय । मिळूनि झाल्या आठ हीं ॥३॥
चार देहांचा जो साक्षी । त्याची ध्वनी मी मी ऐसी । खुणे जाणावें तयांसी । खूण पुसा वैष्नवां ॥४॥
इति अधिष्ठान निरूपण समाप्तः ॥