ताटस्थ ब्रह्म जाणिजे । पंचम मुद्रा ॥१३१॥
पंचममुद्रा अलक्ष्य । लक्ष्यातीत असोनि साक्ष ॥
ऐसा कैसा परमदक्ष । अपूर्व लीला ॥१३२॥
लीलाचरित्र देखणा । तेचि त्याची संभावना ॥
जेथें अन्यत्र कल्पना । न चले कांहीं ॥१३३॥
न चले शब्दाचें कारण । शुद्ध लक्षांश देखणें ॥
आपणासगट विस्मरण । स्मरणीं राहे ॥१३४॥
स्मरण चतुर्थ देहीं असे । पंचम तें कैवल्य भासे ॥
ज्याचे छंदे झाले पिसे । महायोगी ॥१३५॥
बाल उन्मत्त पिशाच्चवत । ज्यांना ध्यान सभराभरित ॥
देहीं असोनि देहातीत । प्रत्यगरुपें ॥१३६॥
प्रत्यग होऊनि तन्निष्ठ । कदाकाळीं नव्हती कष्ट ॥
ज्याची वासना धर्मिष्ठ । सर्वभूतीं ॥१३७॥
सर्व देहीं भावना एक । स्वप्नीहि न देखती लोक ॥
ऐसा विश्वास निष्टंक । ऐक्यत्वाचा ॥१३८॥
ऐक्यता जाणूनि स्वरुप । एक बाण एक चाप ॥
जैसा रामचंद्र दीप । भानववंशीं ॥१३९॥
भानववंशीं रामचंद्र । तरोनि गेला भवसमुद्र ॥
रावण लंकेचा नरेंद्र । सुखी केला ॥१४०॥