ऊधो मध्पुरका बासी ।
म्हारो बिछड्यौ स्याम मिलाय, बिरहकी काट कठण फाँसी ॥
स्याम बिनु चैन नहीं आवे ।
म्हारो जबसे बिछड्यो स्याम, हीवड़ो उझल्यो ही आवे ॥
छाय रही ब्याकुलता भारी ।
म्हारे स्याम बिरहमै आज, नैनसैं रह्यौ नीर जारी ॥
स्याम बिनु ब्रज सूनो लागै ।
सूनी कुंज, तीर जमुनाको, सब सूनो लागै ॥
गोठ-बन स्याम बिना सूनो ।
म्हारे एक-एक पुळ जुग सम बीतै, बिरह बढ़ै दूनो ॥
ऊधो ! अरज सुणो म्हारी ।
थारो गुण नहिं भुलाँ कदे, मिलाद्यौ मोहन बनवारी ॥