श्रीहनुमानप्रसादजी पोद्दार - ऊधो ! तुम तो बड़े बिरागी ...

ऊधो ! तुम तो बड़े बिरागी ।

हम तो निपट गँवारि ग्वालिनीं, स्याम-रूप अनुरागी ॥

जेहि छिन प्रथम स्याम छबि देखी, तेहि छिन ह्रदय समानी ।

निकसत नहिम अब कौनेहू बिधि रोम-रोम उरझानी ॥

आठों जाम मगन मन निरखत स्याम मुरति निज माही ।

दृग नहिं पेखत अन्य बस्तु जग, बुद्धि बिचारत नाहीं ॥

ऊधौ ! तुम्हरो ग्यान निरंतर होइ तुमहिं सुखकारी ।

हम तौ सदा स्याम-रँग राचीं ताहि न सकहिं उतारी ॥