मराठी मुख्य सूची|आरती संग्रह|विविध आरती संग्रह|
मंगळागौरीची आरती

मंगळागौरीची आरती

देवीदेवतांची काव्यबद्ध स्तुती म्हणजेच आरती.The poem composed in praise of God is Aarti.


जय देवी मंगळागौरी। ओंवाळीन सोनियाताटीं ॥
रत्नांचे दिवे। माणिकांच्या वाती। हिरेया ज्योती ॥धृ॥
 
मंगळमूर्ती उपजली कार्या। प्रसन्न झाली अल्पायुषी राया ॥
तिष्ठली राज्यबाळी। अयोषण द्यावया॥।१॥
 
पूजेला ग आणिती जाईजुईच्या कळ्या। सोळा तिकटीं सोळा दूर्वा ॥
सोळा परींची पत्री। जाई जुई आबुल्या शेवंती नागचांफे ॥
पारिजातकें मनोहरें। नंदेटें तगरें। पूजेला ग आणिली ॥१॥
 
साळीचे तांदुळ मुगाची डाळ। आळणीं खिचडी रांधिती नारी ॥
आपुल्या पतीलागीं सेवा करिती फार ॥१॥
 
डुमडुमें डुमडुमें वाजंत्री वाजती। कळावी कांगणें गौरीला शोभती ॥
शोभली बाजुबंद। कानीं कापांचे गवे। ल्यायिली अंबा शोभे ॥१॥
 
न्हाउनी माखुनी मौनी बैसली। पाटाबाची चोळी क्षीरोदक नेसली ॥
स्वच्छ बहुत होउनी अंबा पुजूं लागली ॥१॥
 
सोनिया ताटीं घातिल्या पंचारती। मध्यें उजळती कापुराच्या वाती ॥
करा धूप दीप। आतां नैवेद्य षड्रस पक्वानें। तटीं भरा बोनें ॥१॥
 
लवलाहें तिघें काशीसी निघाली। माउली मंगळागौर भिजवूं विसरली ॥
मागुती परतु‍नीयां आली। अंबा स्वयंभू देखिली ॥
देउळ सोनियाचे। खांब हिरेयांचे। कळस वरती मोतियांचा ॥१॥

N/A

References : N/A
Last Updated : November 16, 2026

Comments | अभिप्राय

Comments written here will be public after appropriate moderation.
Like us on Facebook to send us a private message.
TOP