विजय पुरव - बळी राजाची तू राणी तुझी ...

बळी राजाची तू राणी
तुझी करुण कहाणी
साताजन्माचा धनी
धनी टांगला ग रानी

हिरव्या रानाचं सपान
पाचोळ्याची वनराई
नसे कडब्याची काडी
गोठा हंबरल्या गाई

भाले उन्हाचे भेदते  
अशी भेगाळली भुई
तापल्या देहाला
टोचती किरणांच्या सुई

दु:खाने आटला पान्हा
भिजे आसवांनी अंगाई
देते पिठाचं पाणी
तान्हा लेकराला आई

पुसे सौभाग्याचं कुंकू
दैवा तोकडी पुण्याई
पेटे दुष्काळाचा वणवा
अशी जळते ग बाई.