गरीबाचे घरीं खावयाला जावें, श्रीमंताच्या घरीं पाहावयाला जावें

मराठी वाक्संप्रदाय - वाक्यप्रचार

   गरीबाच्या घरी जेवावयास गेल्‍यास आपणांस संकोच वाटत नाही व तोहि मोठ्या आदरानें व आग्रहानें वाढून पोटभर यथेच्छ जेवण होईल असे करतो
   उलट श्रीमंत मनुष्‍याकडे केवळ औपचारिक गोष्‍टीच फार, तेथे सर्व थाटमाट व्यवस्‍थित असेल. श्रीमंत लोक पंक्तीत फार थोडे खातात व त्‍यांच्या बरोबर जेवण्यात पाहुण्यास संकोच उत्‍पन्न होतो यामुळे नीट जेवण होत नाही. त्‍याचप्रमाणें चांगल्‍या वस्‍तू पाहावयाच्या असल्‍यास त्‍या श्रीमंताकडे जाऊन पाहाव्या
   किंवा एखादा समारंभ पाहावयाचा झाल्‍यास तो श्रीमंतामार्फत पाहाण्यास मिळतो. श्रीमंतांच्या घरी खरे वैभव पाहावयास सापडते.