TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|लावणी|अंधारातील लावणी|
हाळदिचा डाग लावून गेले पर...

लावणी १९९ वी - हाळदिचा डाग लावून गेले पर...

लावणी म्हणजे गीत, नृत्य आणि अदाकारी यांचा त्रिवेणी संगम. लावणी शृंगाराची खाण आणि महाराष्ट्राची शान आहे.


लावणी १९९ वी
हाळदिचा डाग लावून गेले परदेशा ।
द्बादश वर्षे कंठलीं, नाहीं संदेश ॥धृo॥
घरी उदंड धनसंपत्ती विषवत्‍ दिसती ।
पाहवेना मला तिजकडे, उदासीन चित्तीं ।
भाऊबहिणी सुखाचे संगती, दु:ख मजवरतीं ।
हे जगन्निवासा, कैशी दैवाची प्राप्ती ? ।
माईबाप कोड बहु करती, परि वरकांती ।
आंतरच्या दरदाला गे न चले युक्ती अंगी भरनवतीचा पुरू ।
नाहीं द्रव्य पेटीमधीं भरूं ।
जीवनाविण सुकला तरू ।
रजु-दर्शन सखु मज होतों पंधरा दिवसा ॥१॥
म्या बलाऊन सासुला विचार केला ।
पाठवा पत्र लेहून स्वामीरायाला ।
हौसेनं बाग लविला, ऐन रसा आला ।
इष्काचे भ्रमर घालुन जातिल घाला ।
आग लागो ह्या जोडिल्या मुलुखगिरीला ।
टाकिले मला निर्वाणीं, निष्ठुर झाला ।
उडते झालें पाखरूं ।
कुठवर मी आवरून धरूं ? ।
रतिभोग पिंजरा करूं ।
आळस ( आलच ? ) होइल, मग यत्न करावा कैसा ? ॥२॥
जासुद गेले लष्करा शोधुन डेरा ।
लाखोटा देऊन सांगितला वृत्तांत सारा ।
वळखुन घरचें अक्षरा हर्ष आंतरा ।
दिली शालजोडी जासुदालागीं मंदिल गहेरा ।
लेहुन आलें उत्तर, वाचे सुंदरा ।
नारी चवमासा छावणी पंढरपुरा ।
आम्ही रजा घेतली आतां ।
काय करूं येऊनी रिता ? ।
आहे तैनातीचा गुंता ।
मनसुब्यानी सरकारी, फशिवला पैसा ॥३॥
दैवाची दशा उजळती बहु सुरती ।
क्षणक्षण वाम नेत्राचीं लवती पातीं ।
पतिराज गृहासी येती, विप्र शुभ वदती ।
वाटली दक्षणा अमुप, नाहीं गणती ।
उभि राहुन गच्चीवरतीं स्वरी न्याहाळती ।
चकचकाट चहुकुन थवे गलुगे ( ? ) तुटती ।
गोविंदराव म्हणे सुंदरी ।
घे भोगुनया धनवरी ।
घटकेची रात्र आजी खरी ।
वाहेल ज्वानिचा लोट थोडक्या दिवसा ॥४॥

Translation - भाषांतर
N/A

References : N/A
Last Updated : 2016-11-11T12:54:31.0000000

Comments | अभिप्राय

Comments written here will be public after appropriate moderation.
Like us on Facebook to send us a private message.

discount of inland

  • अंतर्देशीय प्रलेखी हुंडियोंबिलों को भुनाना, देशी प्रलेखी हुंडियोंबिलों की भुनाई 
RANDOM WORD

Did you know?

विविध पूजा अथवा होम प्रसंगी स्त्रीने पुरूषाच्या कोणत्या अंगास बसावे आणि हाताला हात कां लावावा?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.