TransLiteral Foundation
मराठी मुख्य सूची|मराठी साहित्य|लावणी|अंधारातील लावणी|
रात्रींतुन चारदां करुं नक...

लावणी ४६ वी - रात्रींतुन चारदां करुं नक...

लावणी म्हणजे गीत, नृत्य आणि अदाकारी यांचा त्रिवेणी संगम. लावणी शृंगाराची खाण आणि महाराष्ट्राची शान आहे.


लावणी ४६ वी
रात्रींतुन चारदां करुं नका, अजुन गळां कां पडतां ? ।
नको नको म्हणते, तरि कितिदां मजवरते चढतां ? ॥धृ०॥
असा पुरुष भोगणें मला हें दु:ख सोसवेना ।
किति नाजुक मी आहे सख्या, हें आण पुरतें ध्याना ।
कां छळितां तुम्हि ? मला सुखाची झोप घेउं द्या ना ।
किति समजुन सांगते, तरी कांहिं माझें ऐका ना ।
मला भोगिल्याविण कंचा दिस येकही टळेना ।
असे घडि घडि जेव्हां तेव्हां मला कष्टवितां राहा ना ।
धरुन खवाटे किती लववितां ? शरिर माझें दुखतें
मुद्या आणि जोडवें हातांतिल मानेला रुपते
असे श्रमविल्यामुळें सकाळीं मुख माझें सुकतें
व्याकुळ होते फार सख्या, संग तुशी घडतां ॥१॥
वय तिसामधें तुम्ही, वर्ष मज सोळावें सरतें ।
करूं लागतां तेव्हां फार मी कासाविस होते ।
वर बसल्यावर तुम्ही, खालतीं मी फार तरमळते ।
जिव घ्यावा नारिचा मात्र येवढें तुम्हां कळतें ।
रोज उठुन भोगणें असें हें न मानवें मज तें ।
मोठया जिवावर दोन वेळा मी तुम्हांजवळ निजते ।
तिनतिनदां तरि कां हो लुगडें माझें वर करतां ?
बळकट कळ लाऊन दर वेळे स्तन रगडुन धरतां
तेव्हां येतंस राग, परंतु नये रागें भरतां
घडी न जातां मधे येक तुम्हि लागलेच भिडतां ॥२॥
हळुच करा, पुरुषार्थ आपला नका दाखवूं येव्हां ।
तोंड वेडेवाकडें मी करिते कळ निघते तेव्हां ।
बाहेर जाउन येते, विसावा येक वेळ घ्यावा ।
पाय होतिल मोकळे, फिरुन कडि दाराला लावा ।
असें वाटतें या जंजाळांतून सुटेन केव्हां ।
तुम्ही मनांत म्हणतसाल, पुरता प्राण हिचा घ्यावा ।
कितिक उशिर लागेल तुम्हांला तरि सांगा आतां
असें पुसूं लागलें मी म्हणजे ‘उगिच रहा’ म्हणतां ।
जाति प्राण जिवलगा, अहो मी मेले चरफडतां ॥३॥
थांबा हो, संशय वाटतो जाहले मी शिउंनयेसी ।
तरि दूर व्हा ना, आतां तुम्हापुढें गत करुं मी कैसी ? ।
कसें वाइट वाटेना ? मनाला येईना किळशी ।
शेवटल्या प्रेमांत म्हणतसा, तुं थांब अमळसी ।
अशि दुसरी कोणाची बायको निजल तुम्हांपासी ? ।
मीच म्हणुन ऐकते गोष्ट जी तुम्ही म्हणतां तैसी ।
अतां च्यावर दिस बरी मी तुमच्या कामांतुन गेले
स्वस्थ सुखाची निजन येकली, बरें एवढें झालें
सत्तेचा घेईन विसावा, तुम्ही निजा उगले
उजाडलें, मी जातें अतां, तुम्ही येतां कीं लवंडता ? ।
होनाजी बाळा म्हणे, नारिचा पति आहे आवडता ॥४॥

Translation - भाषांतर

Last Updated : 2016-11-11T12:54:22.1700000

Comments | अभिप्राय

Comments written here will be public after appropriate moderation.
Like us on Facebook to send us a private message.

bamboo filament

  • बांबू तंतु 
RANDOM WORD

Did you know?

अतिथी व अतिथीसत्कार याबद्दल माहिती द्यावी.
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Status

  • Meanings in Dictionary: 644,289
  • Dictionaries: 44
  • Hindi Pages: 4,328
  • Total Pages: 38,982
  • Words in Dictionary: 302,181
  • Tags: 2,508
  • English Pages: 234
  • Marathi Pages: 22,630
  • Sanskrit Pages: 11,789
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.