TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|लावणी|अंधारातील लावणी|
काळोखी रात्र अंधारी, उभे ...

लावणी १४८ वी - काळोखी रात्र अंधारी, उभे ...

लावणी म्हणजे गीत, नृत्य आणि अदाकारी यांचा त्रिवेणी संगम. लावणी शृंगाराची खाण आणि महाराष्ट्राची शान आहे.


लावणी १४८ वी
काळोखी रात्र अंधारी, उभे कां द्वारीं ? । या मंदिरांत, येइल गस्तीची फेरी ॥धृ०॥

आज काय चुकलें सेवेला ? पदरीं घाला । तुम्ही दगलबाज, बेइमान कळुनी आला । संकेत मनाचा केला, भरोसा आपला । चोरूनिया जातां लावुन पदर मुखाला । आजवर प्रसंग राखिला, उभी सेवेला । कोणती सवत मिळाली तुमच्या सुखाला ? । चाल । भुललें मी चतुरपणा । साजणा । सांगा बाहेरच्या खुणा । साजणा घालिते गळ्याच्या आणा । साजणा । उभयतां प्रीत चालवा, बसा शेजारीं ॥१॥

तुम्ही दगलबाज, बेइमान राजीवनयना । मजविशीं कां हा कंटाळा घेतल्या पैना ? । मजपेक्षां मिळाली मैना सत्य जाणा । लागला छंद प्रीतीचा रंगरस सदना । तीनदां रुसतां मनमोहना, पलंगीं या ना । कुठवर समजाऊं ? चटक लागली प्राणा । चाल । चित्तांत येइल तें करा । साजणा । माझ्या कंठींचा हारा । साजणा । नाटकी तूं नट बावरा । साजणा । पसरितें पदर लाजुन, कुणाची चोरी ? ॥२॥

गुणी जना तूं गुणीजन राया प्राण विसाव्या । उभयतां दुष्ट कल्पना मनांत नसाव्या । इथल्या रांडा कळलाव्या आहेत ठाव्या । केल्या कर्मा शेवटास न्याव्या । रूपनादर तुमची जाया । येऊं द्या माया । पसरिते पदर, चला हे इष्क करूं या । चाल । आज पहा हो माझी मजा । साजणा । रात्रंदिवस गृहीं येत जा । सजणा । नाहीं आशा धनद्रव्याची, कुणाची चोरी ? ॥३॥

सांगते, राग सोडा हो, घरीं आज रहा हो । नाना परी दाविन मौजा, मला भोगा हो । मागणें हें मजला हो ह्रदयीं धरा हो । केल्या क्रिया शेवटास न्या हो । मज कृपादृष्टीनें पहा हो, लोभ करा हो । रात्रंदिवस करिते अर्जी पयन धरा हो । चाल । चुकी घडली मजकून । साजणा । सांगा हो माझ्या प्राणा । साजणा । आज मनास मिळले साजणा । नाना परी उडवी मौजा करू बेभारी । रामा गाई छंद बंद अधिकारी ॥४॥

Translation - भाषांतर
N/A

References : N/A
Last Updated : 2016-11-11T12:54:28.9200000

Comments | अभिप्राय

Comments written here will be public after appropriate moderation.
Like us on Facebook to send us a private message.

भुकंदा

  • पु. ( सामा . ) बुकांदा ; मुष्टिप्रहार . [ ध्व . ] 
RANDOM WORD

Did you know?

कोणतीही ही पूजा करण्याआधी संकल्प कां करावा?
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site