TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|लावणी|अंधारातील लावणी|
घडि घडि नको बोलूं जनीं, व...

लावणी ७५ वी - घडि घडि नको बोलूं जनीं, व...

लावणी म्हणजे गीत, नृत्य आणि अदाकारी यांचा त्रिवेणी संगम. लावणी शृंगाराची खाण आणि महाराष्ट्राची शान आहे.


लावणी ७५ वी
घडि घडि नको बोलूं जनीं, वर्म हें कळेल सख्या रे सजणा ॥धृ०॥
सारखें वय तुझें न माझें म्हणून लोकीं कीं भास पडला ।
जल्पती दुष्ट नित मनीं जेव्हांपासुन संग्रह घडला ।
यामुळें जिवलगा जसा दुधामधिं लवणखडा पडला ।
उभयतां तसें घडलें कीं । तुजपदीं चित्त भुललें कीं ।
पदरीं तुमच्या पडले कीं । मन तुम्हांकडे वोढलें कीं ।
दुष्ट निंदिता बघुन आपणा ॥१॥
चार दी स्वस्थ रहा घरीं सगुणनिधी तूं गुणपात्रा ।
बोलतां आपण उभयतां तर्क बांधुन ठिवती अंतरा ।
कल्पना आणुन मनीं तुज विनविते कोमलगात्रा ।
घनबिंदु सुप्त आकाशीं । चातकी इच्छी तयासी ।
त्यापरी लक्ष तुजपाशीं । सख्या रे मम नेत्रींच्या अंजना ॥२॥
पूर्वीच्या संमंधावरून अर्पिले तनु तुजला आपले ।
लागला जिव्हारीं वार, दुष्ट तुजविशीं फार जपले ।
तुजसाठीं किती राजसा मी पूर्वीं तप तपलें ।
या शहर पुण्याची वस्ती । तिनदां नको घालुं गस्ती ।
बरे वाटे गरिब दिसती ।
मनीं कर पुरती चवकशी प्राणरंजना ॥३॥
कळूं नये स्नेहाचें वर्म करून बदकर्म जनालागी ।
पडूं नये कोणाचे भरीं शोध तूं करी ह्रदयाजागीं ।
साजणा, असावें गुप्त येकांतीं आपण विषयालागीं ।
गुणगुजगोष्टी प्राणविसाव्या । सांगितल्या जीवीं धराव्या ।
होनाजी बाळा गुणि राव्या ।
बाळा नारायण म्हणे, तुझे गडे बहुत रसिक रसना ॥४॥

Translation - भाषांतर
N/A

References : N/A
Last Updated : 2016-11-11T12:54:24.5170000

Comments | अभिप्राय

Comments written here will be public after appropriate moderation.
Like us on Facebook to send us a private message.

कूळ

  • स्त्री. ( गो .) नारळीच्या हीरांचे केलेलें जाळें . 
  • न. १ कौलदार ; खंडकारी ; पट्ट्यानें जमीन धारण करणारा ( सरकाराची किंवा शेतमालकाची ). २ धनकेचा ( सावकाराचा ) ऋणको ; आरोपीचा जामीन ; वैद्याचा रोगी ; वकिलाचा पक्षकार आश्रयदात्याचा पोष्य ; ज्यानें ज्यांचेकं द्रव्यादि देणें आहे तो ; आश्रित ( म्हणजे रिणको , जामीन , रोगी इ० ). ३ सामान्यत ; सरकारास सारा देणारा असामी , असाम्या . इतर अर्थ व सामा सिकशब्द ' कुल ' शब्दामध्यें पहा . ४ ( गो .) गिर्‍हाईक ; इसम ; व्यक्ति . सामाशब्द - 
  • न. १ गोत्र ; वंश ; जात ; कुटुंब . ' आमचें कुळांत मोरोपंत नांवाचे प्रसिद्ध कवी होऊन गेले .; म्ह० कुळास खोड संतानास वेड ( नसावें ). २ लग्नांत ठेवावयाचें देवक ( मराठे जातींत हें असतें ). प्रत्येकाच्या कुळांत चाल असेल त्याप्रमाणें कळंब , मारवेल , वड इ० झाडाची खांदी आणुन ती तुळशीवृंदावनांत लावतात व तिची पूजा करतात . ( वाप्र .) 
  • ०उद्धरणें  १ कुलांची कीर्ति वाढविणें . २ ( उप .) कुळांतील माणसांना ( विशेषत ; जवळच्या नातलगांवरुन ) शिव्याशाप देणें . कुळाला डाग लावणें - कुळाला कलंक लावणे . सामाशब्द - 
More meanings
RANDOM WORD

Did you know?

जुळी मुले झाली असतां शांति करावी काय?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.