TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|लावणी|अंधारातील लावणी|
संताप श्राप हा माफ असावा ...

लावणी १५ वी - संताप श्राप हा माफ असावा ...

लावणी म्हणजे गीत, नृत्य आणि अदाकारी यांचा त्रिवेणी संगम. लावणी शृंगराची खाण आणि महाराष्ट्राची शान आहे.

लावणी १५ वी
संताप श्राप हा माफ असावा मशीं ।
किति सांगुं स्वहित नित हितगुज तुमचेपशीं ? ॥धृ०॥
वाटते मला, आज चला येकांतीं निजूं ।
सामान सिद्ध, शेजेवर होते रुजूं ।
मम सौख्यधुरंधरनिधी म्हणून किती भजूं ? ।
तुमच्या विरहित मी पाय कुणाचे पुजूं ? ।
मजविषयीं कांहीं तिळमात्र नका गजबजूं ।
प्रीतीच्या स्थळीं भाषण बोलावें रुजूं ।
आज्ञेंत सिद्ध, उभी राह्ते मी मागेंपुढें
पुण्याइ सबळ, यशवंत माझे चुडे
थोरासंगें दुर्बळास पाणी चढे
सापडे वस्त अंधा न मिळवितां जशी ॥१॥
तुम्ही माझे समूळ सौभाग्याचे अधिपती ।
तपसाध्य जसें सूर्यबिंब आलें हातीं ।
हा ढग वळला, मन धाले मेघामृतीं ।
पदोपदीं विनंतीच्या करिते आवृत्ती ।
मोहिलें रूपाकडे, चित्त चंचळ व्यावृत्ती ।
जळो माझी दृष्ट लागेल मुखचंद्राप्रती ।
कोणती सवत अशी मजवर चढ भेटली ?
नवि नवि बरी चव गोड तिची वाटली
हें शास्त्र आवडतें, रीत सांगा कोठली ?
गांठली वेळ, श्रम केले जातीनिशीं ॥२॥
विश्वास वृक्ष विस्तीर्ण पूर्ण सागरा ।
चतुरस्र निपुण गुणविद्येच्या आगरा ।
हे सत्यशील सर्वज्ञ सर्वसुगरा ।
जिवप्राण सख्या, तूं बाण मदनमोगरा ।
लागला छंद अति, सुगंध मैलागरा ।
मेजवानी करिन, कधिं येतां माझ्या घरा ? ।
एकनिष्ठपणें म्या संधिसमय साधिला
निष्कपट निकट निळकंठ आराधिलां
सर्वस्वें अतां हा देह पदरि बांधिला
बोधिला बोध, कानमंत्रा पहिले दिशीं ॥३॥
मायासमुद्र थोर ओघ आला वळुन ।
पाण्यांत पाणी एक जैसें गेलें मिळुन ।
पाहिजे तशी पाहिली मला छळछळुन ।
शिरोमणि कंठिंचा हरिं धरिते आवळुन ।
घ्या भोग अविट, हा घट भरला जळमळुन ।
परिपव्क सुरस नवतीचा घ्यावा पिसुन ।
अर्धांग शयन विधिनिर्मित झालें वतन
अंगुष्ट चरणरज माझें पंचायतन
ठेविली सुखी, आजवर मज केलें जतन
होनाजी बाळा म्हणे, मदनमोहो लाविसी ।
सर्वथा अतां अंतर गडे न करूं तुशी ॥४॥

Translation - भाषांतर
N/A

References : N/A
Last Updated : 2016-11-11T12:54:20.4530000

Comments | अभिप्राय

Comments written here will be public after appropriate moderation.
Like us on Facebook to send us a private message.

optical comparator

  • प्रकाशीय तुल्यक 
  • दृक तुल्यक 
RANDOM WORD

Did you know?

निर्जीव गाड्यांची पूजा करतात, यामागील शास्त्र काय?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site