TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|लावणी|अंधारातील लावणी|
दुर्बिण घेऊन हातीं चंद्र ...

लावणी १०२ वी - दुर्बिण घेऊन हातीं चंद्र ...

लावणी म्हणजे गीत, नृत्य आणि अदाकारी यांचा त्रिवेणी संगम. लावणी शृंगाराची खाण आणि महाराष्ट्राची शान आहे.


लावणी १०२ वी
दुर्बिण घेऊन हातीं चंद्र न्याहाळी तुझा बरवा ।
माझ्या मनची आवड सख्या, पोशाक करा हिरवा ॥धृ०॥
चवथा दिवस अहो सिरताज जाते न्याहा ।
चाक पाक येते बनुन, नका पाठवूं बोलवाया ।
केस वाळवीत उभी, न कळत याल चोरुनीया ।
आणि आपल्या नादांत हळूच कुच धराल धावुनीया ।
एक नोक नेत्राची दावीन ऐसी गुणीराया ।
इष्कउबाळा होतो, आज बागांत चला राया ।
नाभीकमळापासून मंचकीं बसून मन स्थिरवा ॥१॥
स्नान करून मी आले, उभी मी जोडून दोन्ही कर ।
मी आपल्या सेवेस असावी दृष्टीसमोर ।
चवथ्या मजल्यावरी हवाशिर जागा सुंदर ।
आपण मला सांगा अलंकार करिन शृंगार ।
हिरवा दुपेटा, हिरवी पगडी कंगणीदार ।
मुक्ततुरा शिरपेच चवकडा, मोती दाणेदार ।
आणीक एक सांगते, शिरीं खोवीन दवणा मरवा ॥२॥
पुण्यवान तुम्ही पुरुष, बसा चोपाळ्यावर विलासी ।
आपुन मला सांगल, थाट करिन रंभा जैसी ।
कमी काय केलें स्वामीनें, वस्त्र हरजिनसी ।
शृंगारामधिं डुब चमकली जडावाची अरसी ।
चुकल्या जागीं करा संज्ञा करिते पेरवा ॥३॥
नित उठुन चोचल्या छबेल्या परस्त्रीकडे जातां ।
लुंडमुंड मुरकुंड स्त्रियांच्या चित्राकडे पहातां ।
धरी आवळूनया मला छबेल्या मुखचुंबन घेतां ।
मी फिरते भवतालीं, उशीर कां? बसा पलंगावरता ।
मी कमान मुलतानी, तुम्ही तीर, जोडा संपूर्णता ।
लक्ष लावूनी बसा, सख्या, मी आहे तुमची कांता ।
सगनभाऊचें कवन ऐकतां खुशी जाहले आरवा ॥४॥

Translation - भाषांतर
N/A

References : N/A
Last Updated : 2016-11-11T12:54:26.0170000

Comments | अभिप्राय

Comments written here will be public after appropriate moderation.
Like us on Facebook to send us a private message.

purchase float

  • खरेदीतील तरता माल 
RANDOM WORD

Did you know?

सौभाग्यवती स्त्रियांनी कुंकू का लावावे ?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.